Lapha: Ohcejoga sosiála- ja dearvvašvuođabálvalusat ja nuppástusat jagis 2025

Ohcejoga dearvvašvuođadálu vuostáváldin bálvala dábálaččat árgabeivviid virgeáiggis. Vuostáváldimis barget guokte doaktára, guokte buohccedivššára, dearvvašvuođadivššárat, psykiátralaš buohccedivššár nugo maiddái laboratoria- ja bátnefuolahusa bargit. Áigevárren ja diđoštallamat 040 181 0285.

Nuppástusat gohcimii

Jagi 2025 álggus Ohcejoga seaŋgaossodat heaittihuvvui. Dát máksá ahte virgeáiggi olggobealde ii leat šat gohcin Ohcejogas.

  • Hohpolaš áššiin virgeáiggi olggobealde váldde oktavuođa gohcinveahkkái 116 117.
  • Heahtedilis riŋge álo 112.
  • Gohcinveahkkái riŋgedettiin dáža rádjeguovlluin sáhttá telefovdna ovttastuvvat Norgga bálvalussii. Molssaevttolaš nummir lea 040 480 5026.

Gáregasnjárgga ja Njuorggáma dearvvašvuođabálvalusat

  • Gáregasnjárgga sosiála- ja dearvvašvuođabálvalusat doibmet dábálaččat. Dearvvašvuođadivššár 040 758 2076.
  • Njuorggáma ássit ožžot divššu ovddemustá Ohcejoga dearvvašvuođadálus.

Oktavuođaolmmoš dearvvašvuođabálvalusain: Ossodatdivššár Nina Mickelsson-Nikula, 040 620 8899.

Ođđa máŋggabálvalanovttadat ja ruovttubuohcceviessu

Seaŋgaossodaga sadjái lea vuođđuduvvon máŋggabálvalanovttadat, gos doibmet:

  • Vuorasolbmuid birrajándorlaš ovttadat Dorvu
  • Ruovttubuohcceviesu buohccedivššu Söster joavku, mii álggaha doaimmas virggálaččat 1.4.2025.
    • Ruovttubuohcceviesus lea buohccedivššár juohke beaivve dii. 7–21.
    • Áššehassan beassá, go lea doaktára čállin čujuheapmi.
    • Divššu sáhttá oažžut ruovttus dahje máŋggabálvalanovttadaga sajiin.
    • Dárbbu mielde lea vejolaš oažžut divššu ija badjel.
  • Mieđuštandivššu figgat lágidit áššehasa iežas ruoktobáikegottis lagaš olbmuid lahka.
  • Palliatiivalaš- ja mieđuštandivššu spesiálaáššedovdi: Nina Mickelsson-Nikula, 040 620 8899.

Sosiálabálvalusat

Máŋggabálvalanovttadagas leat maiddái sosiálabálvalusaid interválla- ja kriisabáikkit. Dáin ovddasvástidit:

  • Bálvalanbagadalli Päivi Rytinki, virgeáiggis 040 843 6216.
  • bálvalanovddasvástideaddji Janika Heikkonen, vuorasolbmuid bálvalusat 040 758 7251.
  • Sosiálabálvalusaid ja kriisagohcima nummir virgeáigge olggobealde: 040 726 6965.

Vuorasolbmuid ássanbálvalanovttadat Dorvu doaibmá nugo ovdalge. Dorvvu telefonnummir lea 040 553 7237.

DIEĐÁHUS (pdf)

 

 

Ruovttoluotta