Ohcejoga gieldda ovddidanhoavdan evttohuvvo Veli-Matti Ruotsalainen

Ohcejoga gielddaráđđehus evttoha váldostivrii, mii čoahkkana njukčamánus, ahte ovddidanhoavdan válljejuvvo Veli-Matti Ruotsalainen. Gielddaráđđehus almmuhii ovddidanhoavdda virggi ohcanláhkai juovlamánus 2025. Virggi ohce 18 olbmo, geain 7:s jearahalle.

Gielddaráđđehus dagai evttohusa Ohcejoga gieldda lahtus ja su várrelahtus suopmelaš-norgalaš rádječázádatkommišuvdnii badjái 2026-2029. Gielddaráđđehus evttoha aitosaš lahttun Mika Aikio ja várrelahttun Vesa Länsman.

Gieldda vuojadanhálla leat dál divodeamen. Barggu ovdánettiin lea boahtán ovdan dárbu lassebargguide, mat eai gula agortii. Láktateknihkalaš riskkaid ja easttahisvuođagáibádusaid dihtii lassebargguid diŋgon lea vealtameahttun. Gielddaráđđehus evttoha váldostivrii dohkkehanláhkai 60.000 euro lassemearreruđa Ohcejoga vuojadanhálla sávnniid-, basadan- ja gárvodanlanjaid saneremii.

Gielddaráđđehus evttoha váldostivrii, ahte Gáregasnjárgga skuvla šaddá Ándaras Gihte skuvlan. Gielda ávvuda 150-jagi beivviidis ja dán jagi lea gollan 100 jagi Ándaras Gihte vádjoleamis.  Ándaras Gihtte (1844-1926) Ohcejoga Vuovdaguoikkas eret, lei okta Samuli Paulaharju álbmotdieđalaš dutkamuša guovddáš áššedovdiinformánta sámeguovllus. Su nama seailluheapmi ja oainnusmahttin doarju kulturárbbi sirdašuvvama ođđa buolvvaide. Nammadeapmi nanne skuvlla rolla sámekultuvrra ja báikkálaš historjjá geađgejuolgin ja buktá oidnosii Gáregasnjárgga guovllu iežas historjjá ja mearkkašahtti olbmuid.

Čoahkkimis gieđahalle maiddái Ohcejohnjálmmi skuvlla váttes bargovuoiŋŋa. Gielddaráđđehus mearridii ahte Ohcejoga gieldda čuvgehuslávdegoddi ja buresveadjinhoavda ávžžuhuvvojit doaibmaválddis olis hohpolaččat álggahit doaimmaid bargovuoiŋŋa buorideapmin.

Čoahkkima beavdegirji (pdf)

Lassedieđut

Gielddaráđđehusa ságadoalli
Vuokko Tieva-Niittyvuopio
0400 933 754
vuokko.tieva-niittyvuopio@utsjoki.fi

Gielddahoavda
Päivi Kontio
040 744 7630
paivi.kontio@utsjoki.fi