Ohcejoga gielddaráđđehus 17.2.2025: Gielddas váldojuvvo geavahussii oassálasti bušeahttaplánen
19.2.2025
Ohcejoga gielddaráđđehus mearridii čoahkkimis 20.1.2025 earet eará gieldaekonomiija áššiin. Gielda hálida gieldda ássiid mielde oassálasti bušeahttaplánemii, plánet gieldda doaimma ja ekonomiija. Gielddaráđđehus mearridii, ahte váldit Ohcejoga gielddas geavahussii oassálasti bušeahttaplánema jagi 2026 ruhtadoallobajis ovddos guvlui.
Gieldda ássit besset hutkat ideaid ja mearridit masa dihto ruhtasubmi geavahuvvo. Ohcejoga oassálasti bušeahttaplánemis gieldalaččat besset mearridit, mo 6 000 euro sturrosaš mearreruhta geavahuvvo jagis 2026. Oassálasti bušeahttaplánen čađahuvvo njealji sierra muttus. Oassálasti bušeahttaplánema čađahanproseassa sáhttá čuovvut nu gieldda neahttasiidduid go maiddái eará gieldda gulahallankanálaid bokte.
Ohcejoga gielda deavdá boahtte jagi 150 jagi. Gielddaráđđehus mearridii ahte ásahuvvo doaibmagoddi válmmaštallat ávvudanjagi. Gielddahoavdda jođihan doaibmagottis leat gieldda, servviid, kulturdoaibmiid ja gielddaolbmuid ovddasteaddjit.
Vihkkedallat dárkilit gieldaekonomiija dili. Rehkenastimat čájehit, ahte bággu lea seastit. Gielddaráđđehus evttoha váldostivrii, ahte gieldda ruhtadoallu heivehuvvo 600 000 euro jo boahtte jagi. Ruhtadoalu heiveheami ulbmilin lea juksat bissovaš váikkuhusaid bušehttii jo jagi 2026 rájes.
Čoahkkimis gieđahallui maid turismma master plan ja beaiváduvvon brándagiehtagirji sihke gieldda bázahusmávssuid dárkkisteapmi. Guktuid áššiid doalvut váldostivrii dohkkehanláhkai.
Gielddaráđđehusa čoahkkima beavdegirji (pdf)
Lassedieđut
Gielddaráđđehusa ságadoalli
Väinö Guttorm
040 503 1574
vaino.guttorm@utsjoki.fi
Gielddahoavda
Päivi Kontio
040 744 7630
paivi.kontio@utsjoki.fi