Lahkaborramuš-projeakta

Projeavtta mihttomearrin lea dáhkat ođđalágan doaibmanmálle dálonguovllu fitnodatdoibmii ja guovllulaš borramušgálvobuvttadusa oppanaslogistihkkii elektrovnnalaš vuogádaga piloteremiin. Ulbmilin  lea borramušgálvvuid oastiid nappo  restauráŋŋaid, almmolaš borramušbálvalusaid ja priváhta geavaheaddjiid ja maiddá daid vuovdiid nappo álgo – ja borramušgálvobuvttadeaddjiid ja sin buktagiid, sihke guktuide joavkkuide gullevaš joatkkaovddušteaddjiid ja bođuidvuovdiid deaivvadeami ja gávppašeami vejolažžan dahkan sihke fievrridemiid vátnačinat ja goasttádusbeaktilis optimeren hárvvet orrojuvvon guovllus.

Doaibmanmálle  hábme ollisvuođa, mas elektrovnnalaš vuogádahkii ovttastuvvojit ovdamearkka dihte buvttadansajit, terminálat, njuovžilis fievrridandoaibma ja maid borramušgálvosuorggi doaibmit, mielde maid boazodoallu. Málle geahččalemiin lea ulbmil testet, sáhttágo dákkár vuogádagain geavadagas ovddidit báikkálašekonomiija, báikkálaš smávva- ja gaskastuorrafitnodagaid doaibmanvejolašvuođaid ja Lappi eanangotti guovlluid gaskasaš oktasašbarggu ja maid oanidit guhkes borramušgálvvuid fievrridanproseassaid ja geahpedit čitnadioksiidanuoskkidemiid  seammás goasttádusbeaktilvuođa buoridemiin.

Projeavtta ollašuhttináigi  lea 1.1.2021–31.8.2023. Projeakta lea EAKR-ruhtaduvvon ja váldoruhtadeaddji lea Lapin liitto. Projeavtta bušeahtta lea 218 431 euro, mas EAKR-doarjaga ossodat lea 174 743 euro.

Projeavtta ollašuhttimis vástidit Centria-ámmátallaskuvla ja lassin oasseollašuhttet K-P ja Lappi gielddaid ja ealáhusfitnodatservviid ovddasteaddjit, mat leat mielde projeavttas.

Projeavttas dahkkon, skálašuvvi doaibmanmálle sáhttet ávkkástallat riikkaviidosaččat eará eanangottit ja gielddat. Piloterema mihttomearrin lea váldit vuhtii ja maid geavadagas testet vejolaččat čitnaneutrála doaibmanmálliid, guovloekonomalaš oainnuid sihke smávva- ja gaskastuorrafitnodagaid doaibmanvejolašvuođaid borramušgálvobuvttadeami suorggis. Ovddidanbarggu vuolggasadjin leat stáhtaráđi deaddočuokkesguovllut  ja Eana- ja meahccedoalloministeriija, MMM lahkaborramušprográmma

Projeakta lea nohkan.

Lassedieđu addá eallinfápmohoavda Tanja Lepistö.
+358 400 151 294
tanja.lepisto@utsjoki.fi