Ohcejoga álšasálet
Ohcejoga juohke giliguovddážis lea álšasále. Sáliin leat máŋggabealagit iešguđegelágan álšasálerusttegat ja vejolašvuohta hárjehallat friija deattuiguin. Sáhtát oastit álšasáliide čoavdaga, go válddát oktavuođa asttuáiggečállái. Dieđuid álšasálemávssuid birra gávnnat siiddu loahpas.
Ohcejoga álšasále
Utsjoentie 48
99980 Ohcejohka
Álšasále uksa lea Ohcejoga asttuáiggeguovddáža davvegeažis. Álšasále lea divoduvvon 2009.
Ohcejoga olgoálšasále Buoŋis
Utsjoentie 46 B
99980 Ohcejohka
Ohcejoga girkosiiddas Áilegas-dáluid gaskkas gáhttosa vuolde lea geassit 2023 gárvánan olgoálšasále Buoŋis. Dat lea geavaheaddjiide nuvttá.
Gáregasnjárgga álšasále
Lihkadanhálla Njálla
Ylätenontie 330
99950 Gáregasnjárga
Johtin kodejuvvon čoavdagiin. Álšasále lea gárvánan 2016.
Njuorggáma álšasále
Köyhäntie
99990 Njuorggán
Álšasále gávdno ráidodálu vuollegearddis. Sále lea divoduvvon 2011.
Álšasálemávssut
| Jahkečoavdda | 120 € |
| Jahkečoavdda Ealáhatolmmoš/stuđeanta /bargguhis olmmoš | 90 € |
| 6 mb | 80 € |
| 1 mb | 15 € |
| Geardemáksu (dušše Ohcejoga girkosiidda álšasále) | 4 € |
| Bearaščoavdda (3 olbmo) | 180 € |
Ohcejoga álšasále jahke- ja mánotbadječoavdagiid hálddašit vuojadanhálla ja asttuáiggečálli. Ohcejoga vuojadanhállas sáhtát láigohit čoavdagiid ovtta gearddi várás Ohcejoga álšasálii. Čoavdagat eai vuvdojuvvo Njuorggáma ja Gáregasnjárgga álšasáliide ovtta gearddi várás. Mánotbadje-, jahkebealle- ja jahkečoavdagiid fidne sihke Ohcejoga vuojadanhállas ja asttuáiggečállis. Máksit sáhttá báŋko- ja kredihttakoarttaiguin, Tyky-/Smartum-valáštallanseattaliiguin dahje Smartum Pay ja e-passi -áppaiguin. Máksin lihkostuvvá maid rehkegiin.
Rehket sáddejuvvo oktii jagis. Mii bearrat mávssu ollašuvvan áigodagas, go čoavdda lea leamašan geavaheaddji hálddus. Eat buhtte rehkega, vaikke it livččege geavahan álšasále. Čoavdagiid galgá máhcahit iešráđálaččat vuojadanhállii dahje asttuáiggečállái. Muđuid mii árvvoštallat, ahte geavaheaddji joatká soahpamušáigodaga, ja dát oidno maiddái rehkegis. Go máhcahat dárbbašmeahttun čoavdaga, de dalle beassá soames eará geavahit álšasále du sajis!
Jos háliidat heaitit álšasále geavaheami, itge hálit ođđa rehkega čuovvovaš jagis, de máhcat álšasále čoavdaga asttuáiggečállái dahje Ohcejoga vuojadanhállii.
Láhppon dahje máhcakeahtes čoavdda, haddi 200 €/čoavdda.
Dárkkistanmáksu 100 €, jos ii leat lotnon čoavdaga ja boahtá álšasálii / geavaha bálvalusa nuvttá. Asttuáiggečálli fitná álšasáliin soaittáhagas ja ovddalgihtii almmutkeahttá. Geavaheaddji galgá duođaštit iežas identitehta asttuáiggečálli dárkkisteamis. Asttuáiggečállis lea vuoigatvuohta bearrat mávssu dahje čállit rehkega.
Oahpásmuva ovdal álšasálebálvalusaid geavaheami Ohcejoga álšasáliid ortnetnjuolggadusaide.