Gávcci jagiáiggi dáhpáhusat -prošeakta 1.1.2024-31.12.2025

Uhcejoga gieldda asttuáiggedoaibma ollášuhttá Gávcci jagiáiggi dáhpáhusat prošeavtta, man váldoulbmilin lea nannet goalmmát sektora doaimma Ohcejoga gieldda guovllus, ovddidit daid dáhpáhusaid, mat juo ordnejuvvojit ja lasihit dáhpáhuspilohtaid bokte dáhpáhusaid meari Ohcejogas.

Prošeakta ollašuhttá Ohcejoga gieldastrategiija 2035 deattuhusa “Buorre eallit Ohcejogas”. Gieldastrategiija ulbmilin lea movttiidahttit goalmmát sektora ja ovddidandoaimmaid, mat riegádit ássiid dárbbuin. Dát lasiha giliservošiid buresveadjima ja oassálastima ja ovddida gieldalaččaid dearvvasvuođa ja buresveadjima ja lassin astoáiggebálvalusaid iešguđege ahkásaččaide. Prošeavttain olahuvvon doaimmat sajáiduhttojit Ohcejoga gieldda árgii gielddalaččaid buorrin.

Prošeavtta doaimmat:

1. Hukset servviid ja dáhpáhusordnejeaddjiid ovttasbargofierpmádaga doaibmanmálle
2. Buoridit servviid doaibmanvejolašvuođaid Ohcejoga gielddas searveáššegirjjiin.
3. Hukset dáhpáhusaid ordnenvejolašvuođaid oanehisskuvlejumiiguin, dáhpáhusrávagirjjážiin ja ovttasbargguin ja lassin iskat dáhpáhuspilohtaiguin, mo ordnet dáhpáhusaid.
4. Ovddidit daid dáhpáhusaid, mat juo ordnejuvvojit ja lassin ovddidit guovllu sámekultuvrra ealaskasvuođa.
5. Ovddidit guovllu nuoraid buresveadjima nuoraid áššedovdijoavkku bokte.

Prošeavtta ruhtadeapmi ja ollašuhttináigi

Prošeavtta bušeahtta lea 180 000 euro ja ruhtadeami lea mieđihan Leader Pohjoisin Lappi rs. Prošeakta ollášuhtto 1.1.2024-31.12.2025. Prošeavtta oasseáigásaš prošeaktahoavdan bargá asttuáigečálli Kaisa Tapiola-Länsman ja prošeaktabargin Selja Puolitaival.