Buresboahtin vuogáiduvvama bargobájiide!
9.1.2025
Rievdi dálkkádaga geažil dilit ja biras leat nuppástuvvamin maid Ohcejogas. Váikkuhusat oidnojit luonddus, ealáhusain ja ássiid árggas. Dát sáhttá mearkkašit baicce ođđa hástalusaid, maiddái ođđa vejolašvuođaid. Nuppástusaide ráhkkaneapmi ovddalgihtii lea dutkamuša mielde ekonomalaččat eanet gánnáhahtti go daidda reageren fáhkka .
Makkár dilit Ohcejogas leat boahttevuođas? Mo sihkkarastit servoša buresveadjima nuppástuvvi diliin? Fuomášatgo mii ávkkástallat ođđa vejolašvuođaid?
Buresboahtin vuogáiduvvama bargobájiide, gos guorahallat dáid gažaldagaid ovttas!
27.1 dmu 18:00 Ohcejoga girkosiida gilidállu Giisá. Mielde maid Lappi dálkkádat- ja energiijastrategiijaprošeakta.
10.2. dmu 18:00 Njuorggán, Njuorggáma skuvlla máŋggadoaimmasadji
25.2. dmu 17:00 Gáregasnjárga, gilidállu Sáivu
Bargobájit leat rabas buohkaide. Guossohit gáfe!
Bargobájiin lea vejolaš maid oažžut rávvagiid oasálašvuođaovddideaddji báikediehtojearahallama (PPGIS) deavdimii. Báikediehtojearahallamiin čoaggit áiccuid Ohcejoga birrasa ja diliid nuppástusain. Lassedieđut jearahallamis: Mo Ohcejoga luondu, biras ja dálkkádat leat rievdamin? | Utsjoki
Bargobájiid lágida Ohcejoga gielda/ MountResilience -prošeakta:
MountResilience – prošeakta 1.9.2023 – 29.2.2028 | Utsjoki
Lassedieđuid:
prošeaktahoavda Taru Lindell, 40 154 3 649 taru.lindell@utsjoki.fi
