MountResilience – Čovdosat dálkkádatnuppástussii vuogáiduvvamii

Dálkkádatnuppástusa leat áican dagahit nuppástusaid luonddus erenoamážit ravdaguovlluin. Dákkár rávddat leat ovdamearkka dihte várrás guovllut ja maid Eurohpa davimus guovllut. Ohcejohka ja Eanodat leat Suoma áidna álpaguovllut, nappo dat lea ordaráji bajábeale šattodaga allodatavádat, masa leat mihtilmasa garra dálkedilit,  duottarjalgadasat ja unnán muorat. Guktuid gielddain boazodoallu ja turisma leat mearkkašahtti ealáhusat maid leahkin vuođđuduvvá davvi lundui. Dálkkádatnuppástus áitá dáid ealáhusaid, mat vuođđuduvvet davvi lundui.

MountResilience -prošeavtta temán lea luondduvuđot ealáhusaid ja báikkálašservošiid vuogáiduvvan dálkkádatnuppástussii, mat leat  Eurohpa várreguovlluin ja báikkálašservošiin. Prošeavttas ovddidit ja testejit báikkálaš dárbbuid várás iešguđetlágan vuogáiduvvančovdosiid, maid sáhttá ollašuhttit ođđasis maid eará guovlluin. Gártii leat merkejuvvon dat guhtta guovllu, gos ovddidit vuogáiduvvandoaimmaid, sihke njealje guovllu, gos ollašuhttit ođđasis dát ovddiduvvon doaibmabijut. Lappi lea mielde guovlun, gos ovddidit vuogáiduvvandoaimmaid.

Horisontti Eurooppa-prográmma ruhtada prošeavtta, mii álggii čakčamánus 2023 ja bistá jahkebeali. Prošeavttas leat mielde buohkanassii 47 ovttasbargoguoimmi Eurohpá 13 riikkas.

Lappis prošeavttas leat mielde vihtta ovttasbargoguoimmi

Leat gávnnahan, ahte árktalaš guovllut liegganit 2-4 geardde jođánabbot go máilmmiviidosaš máttaguovllut. Dálkkádatnuppástusa váikkuhusat oidnojit Lappis jo dál, ja iskalit ovdamearkka dihte boazodoalu, dálveturismma ja gielddaid. Dasgo vuogáiduvvat ovddalgihtii nuppástusaide, de lea ekonomalaččat eambo gánnáhahtti go nuppástusaide reageren.

Lappis ollašuhttit dáid doaibmabijuid:

• Turismma doaibmasuorggis pilohtafitnodagaid vuogáiduvvanplánat ja vuogáiduvvnahárjehus, ja maid turismafitnodagaid vuogáiduvvanplánaid oktasaš málle
• Boazodoallofitnodagaid vuogáiduvvanplánat ja vuogáiduvvanhárjehuspilohta, ja boazodoallofitnodagaid oktasaš vuogáiduvvanplána ja vuogáiduvvanhárjehusa málle
• Ohcejoga ja Eanodaga gielddaid vuogáiduvvanplánat, ja Lappi guvllolaš vuogáiduvvanplána málle
• PPGIS (Participatory Public Geographic Information Systems) báikediehtobargoneavvu ovddideapmi
• Dálkkádatnuppástusa váikkuhusat eará surggiide Lappis

Lappi guovllus ollašuhttima koordinere Lappi lihttu (Lapin liitto). Eará prošeaktaguoimmit leat:

• Ohcejoga gielda
• Eanodaga gielda
• Luondduriggodatguovddáš (LUKE)
• Lapin matkailuelinkeinon liitto(Lappi turismaealáhusa lihttu) (LME)

Ohcejogas čoaggit mávssolaš báikkálašdieđuid

Prošeavtta áigge gártet Ohcejoga guovllu dálkkádatriskkaid ja daid ekonomalaš váikkuhusaid. Ohcejoga gielda gárvvista gildii vuogáiduvvanplána, ja ovttasbarggus boazodoallofitnodagaiguin mii gárvvistat boazodoallofitnodagaid vuogáiduvvanplána ja vuogáiduvvanhárjehusa pilohta. Bargat báikkálašdásis ovttasbarggu LME:in, mii vástida turismafitnodagaid vuogáiduvvanplánas ja vuogáiduvvanhárjehusain.

Ohcejogas prošeavtta ollašuhttin boahtá oidnot sihke nana báikkálaš olbmuid oasálašvuođaovddideapmin, ja čavga fitnodatovttasbargun turisma- ja boazodoallofitnodagaiguin. Prošeavtta áigge boahtit lágidit ee. gilidilálašvuođaid, jearahallamiid ja skuvlemiid. Mii oažžut prošeavtta áigge maid riikkaidgaskasaš gussiid.

Projeavtta ruhtadeapmi ja ollašuhttináigi

Obbabušeahtta: 15,97 miljovnna euro, mas EU ruhtadeapmi lea 15,17 miljovnna euro (Horizon Europe-Miss-2022-Clima-01 -ruhtadanprográmma). Prošeavtta oppalašgolut Lappis leat 2 miljovnna euro, mas Ohcejoga gieldda ossodat lea 265 125 euro (100 % EU ruhtadeapmi).  

Prošeaktaáigi: 1.9.2023 – 29.2.2028, Ohcejogas 1.1.2024 – 29.2.2028

Prošeavttas Ohcejoga gielddas bargá prošeaktahoavda 50 % bargoáiggiin.

Prošeavtta riikkaidgaskasaš siiddut

MountResilience-prošeavtta riikkaidgaskasaš siidduin gávnnat áigeguovdil ođđasiid ja lassedieđu prošeavttas.