Gv 17.6.: Ohcejoga váldostivra dohkkehii čielggadusa vuojadanhálla basadan- ja gárvodanlanjaid sanerenagoarttas

Ohcejoga gieldda váldostivra čoahkkanii 17.6. gieđahallat vuojadanhálla basadan- ja gárvodanlanjaid saneremii guoski čielggadusa, mii lea dahkkon áirras Mateusz Moilasa njukčamánus ovdanbuktin cealkámuša geažil. Cealkámušas gáibiduvvui, ahte vuojadanhálla basadan- ja gárvodanlanjaid sanerenprojeavtta soahpamuša dilli, lassebargogáibádusat ja projeavtta válmmastallanproseassa čielggaduvvojit čálalaččat ja čielggadus buktojuvvo váldostivrii diehtun. Čielggadusa dahkan Valo Partners Oy ovddasteaddjit manne háhkanproseassa ja dan čuolmmaid čađa. Čielggadus dohkkehuvvui almmá ságastallamiid. Áirasiidda čielggadus ovdanbuktojuvvui juo álgovahkus dollojuvvon rabas eahketčoahkkimis, gos čielggadusa guorahalle viidásabbot.

Gieldda viessosajiid vuovdineavttut, mat ledje gieđahallama vuolde, biddjojedje ođđasit válmmaštallama vuollái, dasgo eavttuide ledje báhcán tulkonvulošvuođat. Vuovdineavttut gieđahallojit doaibmaorgánaid čuovvovaš čoahkkimiin maŋimuštá čakčamánus. Lassemearreruhta Seitakartano ja rabasbálvalusguovddáža sisáibmodivvumiidda dohkkehuvvui, seamma maiddái iešruhtadanoasit Áiggeáji Suoma málle veahkkeruđa mieldásaš mánáid áiggeádje- ja riekkesdoibmii sihke Lohkamáhtu Ohcejohkii -projektii.

Čoahkkima beavdegirji (pdf)

Lassedieđut

Gielddastivrra ságadoalli
Mika Aikio
0400 558 391
mika.aikio@utsjoki.fi

Gielddahoavda
Päivi Kontio
040 744 7630
paivi.kontio@utsjoki.fi