Kela ja gieldda ovddut ekonomalaš dili hedjoneami geažil

Loga áigeguovdilis dieđuid koronaepidemiija váikkuhusain ovdduide, ohcamušaid gieđahallamii ja áššiid dikšumii Kela siiddus  Kela siiddus dáppe.

Njoammudávdabeaiveruhta

Njoammudávdabeaiveruhta buhtte dienasmassima, jos don leat mearriduvvon leat eret barggustat, karantenii dahje sierraorrumii njoammudávdda leavvama eastadeami dihte. Sáhtát oažžut njoammudávdabeaiveruđa, vaikko it leat bargonávccaheapme. Vuollel 16-jahkásaš máná fuolaheaddjin sáhtát oažžut njoammudávdabeaiveruđa, jos du mánná lea mearriduvvon leat ruovttus njoammudávdda geažil itge danin sáhte bargat.

Jos barggat gáiddusin iige dienasmassin šatta, it sáhte oažžut beaiveruđa. Beaiveruhta ii maiddái máksojuvvo luopmoáiggis.

Njoammudávdabeaiveruhta lea olles meari buhtadus dienasmassimis.

• Jos don leat bálkáoažžu, beaiveruhta mearrašuvvá dan bálkká mielde, man livččet ožžon, jos don it livčče mearriduvvon leat eret barggus.
• Jos don leat fitnodatdoalli, beaiveruhta mearrašuvvá dan YEL- dahje MYEL-jahkebargoboađu vuođul, mii lea fámus, go eretorrun álgá.
• iežasvástoáigi ii leat

Lasi diehtu ja ohcanrávvagat dáppe.

ÁIGÁIBOAHTINDOARJJA

Vuođđoáigáiboahtindoarjja ohccojuvvo Kelas. Vuođđoáigáiboahtindoarjja lea maŋimuš vejolaš ekonomalaš doarjja. Jos bázát bargguheapmen dahje buohccát, de dus galgá leat vuos ohccojuvvon bargguhisvuođaovdu dahje buohcanbeaiveruhta.

Vuođđoáigáiboahtindoarjaga sáhttá oažžut olmmoš dahje bearaš, gean boađut ja várit eai reahkká vealtameahttun juohkebeaivválaš manuide. Seamma ohcamušain sáhtát ohcat dievasmahtti ja eastadeaddji áigáiboahtindoarjaga, dalle Kela sirdá ohcamuša gildii gieđahallanláhkai. Muitte bidjat dás máinnašumi ohcamuša lassediehtobáikái.

Vuođđoáigáiboahtindoarjja galgá leat ohccojuvvon ovdal go ozat dievasmahtti dahje eastadeaddji áigáiboahtindoarjaga. Jos du ohcamuša gieđahallan ádjána Kela badjelmeare hoahpuid geažil, váldde oktavuođa Ohcejoga sosiáladoibmii.

Vuođđoáigáiboahtindoarjaga mieđiheapmái ja mearrái váikkuhit buot du boađut ja várit. Boahtun lohkkojuvvojit maiddái eará sosiálaovddut.

Kela siidduin lea áigáiboahtindoarjjarehkenasti, mainna sáhtát árvvoštallat vuoigatvuođat áigáiboahtindoarjagii.

Áigáiboahtindoarjaga sáhtát ohcat Kela siidduin printenláhkai skoviin dahje iežat siidduin elektrihkalaččat. Čuvvosiid sáhtát maid bidjat iežat siidduid bokte.

Dievasmahtti áigáiboahtindoarjaga sáhttá mieđihit

• ássanmanuide, maidda it sáhte oažžut vuođđoáigáiboahtindoarjaga.
• manuide, mat šaddet du dahje du bearraša erenomáš dárbbuin dahje diliin, mat gehččojuvvojit dárbbašlažžan áigáiboađu dorvvasteami várás dahje iehčanas ceavzima ovddideami várás.

Eastadeaddji áigáiboahtindoarjaga sáhttá mieđihit earet eará:

• dorvvastit ássama
• geahpedit váttisvuođaid, mat bohtet ekonomalaš dili fáhkkes hedjoneamis
• ovddidit muđui iehčanas eallima

Vuođđoáigáiboahtindoarjaga lágas mearriduvvon gieđahallanáigi lea 7 jándora, muhto dán spiehkastatdilis mearreáiggiin sáhttá spiehkastit.

¨

Áššiiddikšun

Koronavirusa geažil Kela sihke Ohcejoga gielda ávžžuhit áššehasaid dikšut áššiideaset fierpmis kela.fi  ja telefovnnas. Vuoru vuordin Kela telefonbálvalussii lea mávssuvuloš. Telefonbálvalussii sáhttá maid várret áiggi Kela siidduin.

Ohcamušaid ja čuvvosiid gánnáha doaimmahit áššiiddikšunbálvalusas. Áššiiddikšunbálvalusas oaidná maid, jos miinu čuovus váilu dahje ohcamuša galgá muđui dievasmahttit.

Jos áššiiddikšun fierpmis ii leat vejolaš, ohcamušaid ja čuvvosiid sáhttá sáddet Kelai poastta mielde čujuhussii: Kela, PL 10, 00056 Kela. Ohcamušskoviid sáhttá printet Kela fierbmesiidduin.

Telefonnummirat:

KELA                

• Áigáiboahtindoarjja 020 692 210
• Buohcan 020 692 204
• Bargguhisvuohta 020 692 210

OHCEJOGA GIELDA

Sosiálabargi Riitta Kumpulainen  040 577 7045

Sosiálajođiheaddji Jonna Lähteenmäki  040 676 5004