Šluhttejuvvon: Ohcejoga ođđa skuvlla rahpankonsearta
Ohcejoga asttuáiggedoaibma ja Sámedikki nuoraidráđđi lágidit Ohcejohnjálmmi ođđa skuvlla gárvvásmuvvama gudnin skuvlla rahpankonseartta Ohcejogas 28.8.20 dmu 18-20!
Konsearttas loaiddastit Ohcejoga nuorra ođđa násttit Yungmiqu & Jezebro ja sámerap risáhččinge gohčoduvvon, Ohcejoga Gámasmohkis eret leahkki rap-legeanda Ailu Valle ovttas DJ Uyarakq:in.
Konsertii lea nuvttá sisabeassan, muhto koronaráddjehusaid geažil konseartabáikái sáhttá váldit dušše 90 olbmo. Konsearttat eai neahttarávdnjejuvvo, nu ahte áidna vejolašvuohta beassat návddašit davvisámegielat ráppi ofelaččaid deaivvadeamis lea boahtit ieš báikki ala áiggil.
Konsertii oažžu váldit oasi dušše jos eai leat makkárge dávdamearkkat! Figgat sihkkarastit koronadorvvolašvuođa sadjás konseartabáikkiin, juohke guldaleaddjái čujuhuvvo čohkkánsadji ja konseartta áigge dušši lihkadeami berrešii garvit. Konseartabáikkis lea giehtadesičuoggát ja sisamanahagas lea giehtadesi lassin maiddái vejolašvuohta váldit muohtomáskka. Maiddái dorvogaskkaid berre muitit konseartabáikkis.
Ođđa skuvla lea gámaheapmi, nuppiid sániiguin gápmagat guđđojuvvojit bivttaseailluhussii sisaboahtima oktavuođas.
Loahpas velá golbma siva dasa, manin gánneha boahtit návddašit ealli musihkas bearjadaga 28.8.20 dmu 18-20:
- Yungmiqu & Jezebro loaiddastit vuosttas geardde álbmoga ovddas!
- Ohcejoga ođđa skuvla lea vuosttas dán jahkeduháhis Ohcejohkii gárvvásmuvvan skuvla!
- Dát lea vuosttamuš geardi, go Ailu Valle loaiddasta buohkaide rabas konsearttas ruovttugielddastis!
Lassidieđut:
asttuáiggečálli Kaisa Tapiola-Länsman, kaisa.tapiola-lansman@utsjoki.fi, 0400 319 852
nuoraidbargi Aleksi Ahlakorpi, aleksi.ahlakorpi@utsjoki.fi, 040 841 7280