Ohcejoga gieldda bázahusfuolahus dieđiha: Vahkus 25 bázahusat čohkkejuvvojit spiehkastahkan 21.6.2022

Vahkus 25 Ohcejoga gieldda (Gáregasnjárga -Ohcejohka-Njuorggán) bázahusat čohkkejuvvojit spiehkastahkan guvttiin biillain maŋŋebárgga 21.6.2022.

Juos din lihti gurrenvuorru deaivá dán vahkkui, bivdit doalvut lihti jo maŋŋebárgga várás geaidnogurrii. Giddodagaid eaiggádat berrejit fuolahit, ahte bázahuslihtit leat čavdásat ja ná eai dagat vára gurredettiin. Bieđganan lihtit guđđojit gurrekeahttá.

Juos háliidat nuppástuhttit lihti gurrengaskka, bivdit das almmuhit Ohcejoga gieldda teknihkalaš doaimmahahkii, tekninen@utsjoki.fi dahje 040 181 0264.

Ohcejoga girkosiidda sirdinlásten- ja ávkebázahusbáiki (Sullamintie 151, Ohcejohka) lea geasse-suoidnemánu áigge rabas juohke maŋŋebárgga dmu 15–19. Sirdinlásten- ja ávkebázahusbáiki vuostáiváldá earret eará boaldindohkálaš bázahusaid, ruskabáikebázahusaid, muorra- ja pláhtabázahusaid, metállabázahusaid, gallehuvvon muora, elerusttegiid, váralaš bázahusaid, šaddogárdebázahusaid ja biillarieggáid.