Ohcejoga váldostivra čoahkkana duorastaga maŋimuš háve dán jahkái, fáddán earret eará koronaepidemiija golut – čuovo čoahkkima njuolgga Youtubes
Ohcejoga gieldda váldostivra čoahkkana duorastaga 17.12. jagi maŋimuš čoahkkimii.
Váldostivra gieđahallá budjeahttaárvalusa jahkái 2021, ruhtadoalloplánaid jagiide 2022–2023 ja lassimearreruđaid koronaepidemiija goluide ja Ohcci nuoraidbargu -projektii. Váldostivra mearrida maiddái earret eará stivrra áirasiid mearis áigodahkii 2021–2025 ja guovtti árrabajásgeassinoahpaheaddji virggi vuođđudeamis. Čoahkkima olles evttohuslisttu oainnát dákko.
Váldostivrra čoahkkimat leat buohkaide rabas. Koronaepidemiija geažil Ohcejoga gielda ávžžuha, ahte olbmot čuovošedje čoahkkima gáiddusin. Gielddadálus čoahkkima sáhttá čuovvut streama bokte feaskkirlanja šearpmas.
Čoahkkin govvejuvvo ja dan lea vejolaš geahččat njuolggosáttan gieldda Youtube-kanálas duorastaga 17.12. sullii dmu 13 rájes. Diehtun! Stream-sáddaga jienain leat teknihkalaš váttisvuođat, iige jietna gullo dán dilis. Jietna gullo čoahkkinbáttis, mii almmustahtto gieldda Youtube-kanálas editerema maŋŋá. Mii šállošat ášši!
Čoahkkinbáddi lea oaidnimis kanálas guokte vahku almmustahttima maŋŋá. Čoahkkimis lea simultánatulkon. Maiddái tulkon báddejuvvo ja sámegielat báddi almmustahtto Youtube-kanálas editerema maŋŋá.