Ohcejoga váldostivra mearrida boahtte jagi vearroproseanttaid čoahkkimis 6.11.2024

Ohcejoga váldostivra čoahkkana 6.11.2024 mearridit boahtte jagi vearroproseanttaid. Gielddaráđđehusa evttohusa mielde boahtovearroproseantan evttohuvvo 8,4 proseantta.

Giddodatvearroproseanttat molsašuddet evttohusas giddodaga mielde 0,65 – 2,00 %. Gielddaráđđehusas evttoha váldostivrii, ahte dat nanne jahkái 2025 dábálaš vearroproseantan 1,30, eanavuođu 1,30, fásta ássanviesu vearrun 0,65, eará viesuid 1,60 ja huksekeahtes huksensaji proseantan 2,00.

Lassin váldostivrii evttohuvvo, ahte dat nanne gielddaráđđehusa evttohusa mielde Davvi-Lappi guovloovttasbarggu gielddaidovttastumi ruhtadoalloloahpaheami ja mieđiha vástufriijavuođa ruhtadoallogeatnegasaide jagi 2023. Seammás dohkkehuvvo gielddaidovttastumi vuođđosoahpamuš ja stivrennjuolggadus.

Ovdal go váldostivra álggaha čoahkkima dii. 14, de dat čoahkkana váldostivraseminárii, mas gieđahallojuvvo gieldda ekonomalaš dilli ja čuovvovaš jagi bušeahttaárvalus.

Čoahkkima áššelistu (pdf).

Lassedieđut:

Gieldda váldostivrra ságadoalli
Arto Pohjanrinne
040 770 3986
arto.pohjanrinne@utsjoki.fi

Gielddahoavda
Päivi Kontio
040 744 7630
paivi.kontio@utsjoki.fi