Ohcejohka 150: Dihtetgo, ahte Ohcejoga gieldda viidodagas leat 80 % suodjalanguovllut

Dihtetgo, ahte Ohcejoga gieldda viidodagas leat 80 % suodjalanguovllut. Leat meahcceguovllut, luonddumeahcci ja eará luonddusuodjalanguovllut. Ohcejoga guovllus badjel 94 % lea stáhta eana, man hálddaša Meahcceráđđehus.
Suodjaluvvon guovlluid duogážis eai leat ovttaskas suodjalanmearrádusat, baicce dat leat viiddes suodjalan- ja ráddjenguovllut, mat vuođđuduvvet láhkaásaheapmái. Dat gokčet mearkkašahtti oasi gieldda viidodagas ja váikkuhit njuolga dasa, man várás eatnama sáhttá duođalaččat geavahit ja man várás ii.

Meahcceguovloláhka eastá industriijalaš projeavttaid ja luonddusuodjalanláhka ráddje mearkkašahtti láhkai sierralágan projeavttaid. Geavu luonddumeahcci lea hui čavga suodjaluvvon, nu ahte eará eanageavaheapmi lea goasii veadjemeahttun.

Dasa lassin gieldda guovllus gullet eatnamat iešguđetlágan suodjalanprográmmaide: jekkiidsuodjalan-, buolžžaidsuodjalan- ja gáttiidsuodjalanprográmmaide sihke eanadatsuodjalanoppalašvuođaide.

Dološmuitolágain leat suodjaluvvon ee. ovdahistorjjálaš ássansajit, urrahávddit ja girkogárddit, bivdorokkit, geađgeráhkadusat ja bálvvosbáikkit.

Iešguđetlágan ráddjehusaid dagahit maiddái boazodoallu, guolástanvuoigatvuođat, sámiid ruovttuguovllu geavaheami ráddjejeaddji áššegirjjit, ovttaskas suodjaluvvon ealán- ja šaddošlájat sihke bodnečáhceguovllut.

Dáinna suodjalandásiin ja Meahcceráđđehusa hálddašettiin guovlluid gielda sáhttá hui rájálaččat hárjehit iežas eanapolitihka dahje ovddidit vearrovuođu eanageavaheami vugiiguin.

Dieđuid lea čohkken Arvil Oy.