Ohcejoga gielda lea leamašan báikkálaš ráhkadusnuppástusa dilis jagi 2021 rájes. Gielddas leat dán maŋŋá dahkkojuvvon iešguđetge doaimmat, maiguin dat lea lihkosmuvvan lasihit áddejumi ráhkadusnuppástusa dagaheaddjiin ja makkár ovddidandoaimmaid ráhkadusnuppástusa dagaheaddjit gáibidit. Dehálaš ovddidandoaimmat leat fuomášuvvon. Doaimmat gusket sihke fitnodagaid ovddideami ja gieldda ovddasvástádusaide gullevaš doaimmaid.
Ráhkadusnuppástusa koordineren Ohcejogas -prošeakta bidjá návccaid erenoamážit eallinfápmosuorggi ovddidanbarggu koordineremii ja lassin geasuhan- ja bisuhanfámu ovddidandoaimmaide, mat gullet gieldda ovddasvástádussan. Dát doaimmat leat earet eará gieldamárkanastima ovddideapmi ja viessodili hohpolaš hástalusaid čoavdin. Dán lassin prošeakta doarju fitnodagaid ja čanusjoavkkuid ovttasbarggu ja fitnodagaid rievdama eanet riikkaidgaskasažžan. Doaimmaiguin giddet fuopmášumi maiddái ámmátbargiid fidnemii guvlui.
Ulbmilat
- Ollašuhttit ja beaivádit Ohcejoga fáhkkes ráhkadusnuppástusa doaibmaplána ja ovddidit prošeavttaid ovttasbarggu
- Ovddidit doaibmasurggiid ja čanusjoavkkuid gaskasaš ovttasbarggu
- Ovdánahttit fitnodatdoaimma doaibmaneavttuid ja fitnodagaid fierpmádagaid
- Ovdánahttit Ohcejoga viessodili, vai ođđa bargit bohtet ja báhcet guvlui
- Lasihit Ohcejoga beaggima sihke turismaguovlun ja ássan-, fidnošan- ja bargobáikin
- Ovdánahttit Ohcejoga gieldda bargoaddimiellagova
Doaimmat
- Koordineret eallinfápmodoaibmasuorggis ohccojuvvon prošeavttaid ovttasbarggu ja gulahallama
- Plánet ja álggahit ÄRM-doaibmaplána mielde ođđa prošeavttaid ja beaivádit doaibmaplána
- Ordnet fitnodagaide dilálašvuođaid áigeguovdilis fáttáid mielde ja doarjut guovllu doaibmiid fierpmádatlágan ovttasbarggu ovdáneami
- Ovdánahttit Ohcejoga dieđiheami friddja viesuid birra ja ovddidit ođđaviessobuvttadeami
- Čohkket ja buvttadit dehálaš dieđuid olbmuide, geat smihttet fárret Ohcejohkii dahje vuođđudit fitnodaga, ja lassin juohkit dán dieđu, vai guovllu geasuhanfápmu lassána
- Plánet gieldabrándda dieđiheami ja piloteret ja iskat iešguđegelágan vugiid dieđihit gielddas
Prošeavtta ollašuhttináigi lea 1.9.2024 – 31.1.2026 ja das bargá prošeaktahoavda 100 % bargoáiggiin. Prošeavtta árvvoštallon obbabušeahtta lea 116 000 euro. Prošeavtta ruhtada Lappi lihttu.
Oktavuođadieđut
Riikka Keskiaho
Prošeaktahoavda
+358 40 544 2058
riikka.keskiaho@utsjoki.fi
Artihkkalat
24.2.2025 Doarjaga oljoliggenvuogis luohpamii geargá velá ohcat
13.3.2025 Energiijabeaktilvuođarávvagat dállodoaluide
11.4.2025 Visttiid ruhtadeapmi Ohcejogas