Bagadeapmi ja oahppiidfuolahus

Oahppiidfuolahussii gullet oahppoplána mieldásaš bálvalusat, mat leat psykologa- ja kuráhtorbálvalusat sihke oahppiid dearvvasvuođafuolahusa bálvalusat. Oahppiidfuolahus ollašuhttojuvvo máŋgga suorggi bargun ovttasbarggus oahpahusdoaimmain ja sosiála- ja dearvvasvuođadoaimmain.

Skuvladearvvasvuođadikšu ja kuráhtor leaba fáhtemis skuvllas bargolanjasteaskka, dát áiggit leat Wilmas sierra almmuhuvvon. Stuđeanttat ja vánhemat sáhttet leat oktavuođas sihke kuráhtorii ja skuvladearvvasvuođadikšui telefovnna ja/dahje Wilma bokte.

Logahagas bargá maiddái skuvlanuoraidbargi ovttasbarggus oahpahus- ja oahppiidfuolahusa bargiiguin.

Skuvladoavttir lea fáhtemis dearvvasvuođaguovddážis. Stuđeanttat galget várret ieža skuvladoaktárii áiggi dearvvasvuođaguovddážis.Gielda fállá nuvttá bátnedivššu buot sámelogahaga stuđeanttaide. Stuđeanttat galget goittotge ieža fuolahit ja várret áiggi bátnedikšui dearvvasvuođaguovddážis.

Gieldda sosiálabargi doarju dárbbu mielde oahppi ja su bearraša máŋggaámmátlaš ovttasbarggu ja mánáidsuodjaleami bokte.

Oahppiidfuolahusa máŋgga suorggi ovttasbargui gullet maiddái earálágan oahppiidfuolahusjoavkkut. Sámelogahaga oahppiidfuolahusjovkui gullet logahaga veahkkerektor, kuráhtor, dearvvasvuođadikšu, sierraoahpaheaddji ja dárbbu mielde joavkojođiheaddjit. Oahppiidfuolahusjoavku sáhttá gullat dárbbu mielde maiddái earálágan áššedovdiid. Joavku čoahkkana váldoáššis oktii juohke logahatperioda áigge ja dán lassin dárbbu mielde. Ovttasgas stuđeantta áššiid gieđahallat guđege dáhpáhusa mielde čohkkejuvvon áššedovdijoavkkus.

Sáhtát oahpásmuvvat oahppiidfuolahusa plánii dáppe.

Ruovttu ja skuvlla ovttasbargu

Vánhemiideahkediid doallat lohkanjagi áigge oktii. Fuolaheaddjiid lahkonit dárbbu mielde čálalaš dieđáhusaiguin ja dieđuiguin Wilma ja/dahje telefovnna bokte. Stuđeanttaid áššiin oktavuođa dollet ruoktut ovdasajis sin joavkojođiheaddjit, muhto dárbbu mielde maiddái rektor, logahaga várrerektor, oahppobagadalli ja kuráhtor.

Bagadallan

Ráhkkaneapmi logahatoahpuide

Stuđeanttaid álggahettiin logahatoahpuid mannat singuin čađa oahpuid álggaheapmái gullevaš áššiid ja oahpásmuvvat logahaga geavadagaide ja stuđerenbirrasii. Searvvušlašvuođa ja oahpásmuvvama nuppiide nannet ovdamearkka dihte ordnemin oahpásmahttintuvrra ja doallamin joavkojođiheaddji diimmuid. Oahpuid álggus gártet maiddái doarjaga ja bagadallama dárbbu sihke plánet ja ordnejit dárbbu mielde doarjjadoaimmaid. Oahppobagadallama bákkolaš oahpuid Mun stuđeantan (OP1) ordnejuvvo ovdasajis 1. stuđerenjagi. Oahppodiimmuin oahpásmuvvat iešguđet stuđerenteknihkaide ja álggahit persovnnalaš oahppoplána gárvvisteami. Logahagas bagadallama guovddáš bargoneavvu lea persovnnalaš oahppoplána, mii sisttisdoallá čuovvovaš osiid:

• stuđerenplána
• stuđeantadutkkusplána
• joatkkaoahppo- ja karriearaplána

Bagadallan logahatoahpuid áigge

Oahpuid ovdáneami čuovvut jeavddalaččat. Beaividit persovnnalaš oahppoplána ja logahatoahpuid ovdánettiin deaddočuokkis sirdása stuđeantadutkkusplánii ja joatkka- ja karriearaplánaid gárvvisteapmái ja beaivideapmái. Doarjaga dárbbuid joatkkačielggadus dahkko ovttasbarggus ávnnasoahpaheaddjiiguin ja sierraoahpaheaddjiin sihke oahppiidfuolahus bargiiguin. Dárbbu mielde plánet ja ohcat sierraordnedemiid stuđeantadutkosa iskosiid várás.

Ovttasbargu allaskuvllaiguin ja eará oahppolágádusaiguin.

Stuđeanttaide ovdanbuktit oahpuid, maid universitehtat ja fidnoallaskuvllat fállet logahatstuđeanttaide ja arvvosmahttit stuđeanttaid čađahit allaceahki oahpuid. Oahppobagadallama bákkolaš oahpuid Joatkkaoahput, bargoeallin ja boahtteáigi (OP2) oahppodiimmuin addit stuđeanttaide dieđuid joatkkaoahpuin ja daidda ohcaleamis. Studeanttaid bagadit maiddái ohcat aktiivvalaččat dieđuid joatkkaoahpuid birra.

Persovnnalaš oahppoplána beaividuvvo jeavddalaččat ja stuđeanttat oččot dađe várás bagadallama čuovvovaš árvaluvvon áigetávvala mielde:

Stuđerenplána ráhkadeapmi, beaivideapmi ja dárkkástus:

1. logahatstuđeantan válljema oktavuođas (gaskaboddosaš oahppoávnnasválljemat)

2. vuosttas stuđerenjagi giđđat oahppoávnnasválljemat nuppi stuđerenjahkái)

3. nuppi stuđerenjagi giđđat (oahppoávnnasválljemat goalmmát stuđerenjahkái)

4. goalmmát stuđerenjagi álggus

5. vejolaš goalmmát stuđerenjagi giđđat ja njealját jagi čakčat

6. maŋimuš lohkanjagi álggus

Stuđeantadutkkusplána ráhkadeapmi ja beaivideapmi:

1. nuppi stuđerenjagi čakčat ja giđđat

2. goalmmát stuđerenjagi čakčat

3. dárbbu mielde goalmmát stuđerenjagi giđđat ja njealját stuđerenjagi čakčat

Joatkkaoahppo- ja karriearaplánáid ráhkadeapmi ja beaivideapmi:

1. gaskaboddosaččat vuosttas stuđerenjagi áigge

2. nuppi stuđerenjagi

3. goalmmát stuđerenjagi

4. dárbbu mielde njealját stuđerenjagi

Bagadallan logahatoahpuid loahppamuttus

Oahpuid loahppamuttus dárkkistuvvo oahpuid dilli ja dárbbu mielde stuđerenplána beaividuvvo. Vátnat joatkkaoahppoplána ja ráhkkanit oktasašohcamii. Individuála dárbbu mieldásaš bagadallan joatkkaoahppo- ja karriearaplánemis. Doarjut stuđeantta joatkkaoahpuide ohcamis ja dárbbu mielde bargat ovttas oahppiidfuolahusain, alit ceahki oahppolágádusaiguin, eará oahppolágádusaiguin sihke bargoeallin beliin. Stuđeanttaide dieđihuvvo joatkkaoahpuide gullevaš áigetávvaliid birra sihke eará dehalaš áigemuttuid birra. Jos stuđeanta báhcá stuđerenbáikki haga, sihkkarastojuvvo joatkkabagadallama ollašuvvan.

Bagadallan stuđerenvuoigatvuođa nohkama maŋŋá

Ollašuhttojuvvo joatkkabagadallan. Kártet stuđeanttaid bagadandárbbu, dieđihuvvo joatkkaoahpuide ohcama áigetávvaliid birra. Dárbbu mielde beaividit joatkkaoahppoplánaid ja ordnet iešguđetlágan doarjjadoaimmaid ovttasbargobeliiguin.

Bagadallama doaibmit

Juohkehaš gii barggilda stuđeanttain sus lea oasistis ovddasvástádus stuđeantta bagadeamis:

Bagadallama doaibmit

Geas jearrat?

Čuovvovaš listtus čájehuvvo, geas stuđeanta dahje fuolaheaddji sáhttá jearrat ráđi iešguđegelágan gažaldagaide, fuolaide dahje hástalusaide. Rávan lea jearrat vuosttamužžan dan olbmos, gii lea listtus vuosttamužžan.