17.00 Kulturbálkkašumi juohkin, Sámediggi

17.30 Luohtegeavli

Jalvvi Niillas láidesta luohteberošteaddjiide oaivvilduvvon rabas juoiggadan- ja ságastallandilálašvuohta.

Dán friijalunddot dáhpáhusas mii juoiggadat ja háleštat dan birra, makkár sajádat ja doaibma luođis lea leamašan dolin, makkár oassái dat lea gártan otnábeaivve ja – mii dehálamos – makkár boahttevaš eallima mii luohtái hálidat.

Luohtegeavlli ulbmilin lea oččodit luođi fas oassin iežamet gávnnademiid. Luohti ii gula dušše konseartalávddiide ja studioi, iige olmmoš dárbbaš artisttalaš čehppodaga juoigat.

Dilálašvuohta lágiduvvo lávus ja lea sámegielat.

19.30 Čáhcegátteolbmot -filbma ja pánelaságástallan

Čáhcegátteolbmot lea dokumeanta Deanus ja dan oalgejogain – eallima váldosuonas, mii lea ealihan čáhcegátteolbmuid jahkečuđiid. Das muitaluvvo mii dáhpáhuvvá go oktavuohta johkii jávká ja maid dan seailluheapmi mearkkaša boahtteáigái. Bagadallit Hans Pieski ja Aura Pieski, 30 min. Filmma maŋŋá pánelaságástallan Deanus ja johkasámiid kultuvrras.

21.00 Ánnámáret 

Ánnámáret lea juoigi ja musihkkár, gii ovttas bargojoavkkuinis čatná oktii sámi árbevieru ja modeardna áiggi. Luohti lea Ánnámáreha musihka váimmus ja joavkku konsearttas dat ovttastahttojuvvo Turkka Inkilä elektrovnnalaš musihkain, Ilkka Heinosena juovkagándiliin ja Marja Viitahuhta videodáidagii, guhte geavaha animašuvnna, arkiivagovaid ja Sámis govvejuvvon govva- ja videomateriála. Ánnámáret-bargojoavkku dáidaga guovddážis lea árbevierru ja modeardna, luohti, musihkka ja videodáidda ja daid speadjalastin nuppiide. Joavkku maŋimus álbuma Bálvvosbáiki almmustuvai jagis 2024 ja sii čuojahit konsearttaid aktiivvalaččat sihke Sámis ja olgoriikkain.

22.30 Ailu Valle ja Amoc 

Ailu Valle lea beakkán erenoamáš musihkálaš olggosbuktimis, mas hiphop ja davvisámegiella leat guovddážis. Valle lea almmuhan golbma soloalbuma ja leamašan mielde máŋggain eará projeavttain. Amoc lea vuosttas anárašgillii ráppejeaddji artista. Son govvida iežas genre horrorcorerap-musihkkan ja son lea beakkán musihkkamáilmmis dasgo son lea ráhkadan bihtáid mat ožžot inspirašuvnna sámi mytologiijas ja gopmiin. Áilu Valle ja Amoc leaba aiddo ožžon árvvusadnojuvvon Áillohaš-bálkkašumi.

Áillohaš-bálkkašupmi lea Nils-Aslak Valkeapää nama guoddi bálkkašupmi, ja dat mieđihuvvo ánssolaš barggus sámi musihka ovdii.

24.00 VEGARD 

Kárášjohkalaš VEGARD lea váldán saji máŋggabealat artistan. Davvisámegielat lávlagiid teavsttain son gaskkusta iežas duohtavuođa nuorra-, sápmelaš- ja queer-olmmožin, ja musihka bokte son hástala sihke macho- ja jávohisvuođa kultuvrra. Fámolaččat lávddi alde loaiddastemiin ja heahpanattakeahtes iežas dohkkeheamis VEGARD lea dakkár artista, masa ferte váldit beali. Su teknomusihkas ja klubbakultuvrras váikkuhusaid ožžon pop-bihtát bastet sihke lihkahit guldaleaddji ja boktit roahkkatvuođa ja rámisvuođa das gii leat. VEGARD lohpida nappo dynámalaš ja fámolaš lávdeshow- feastta buohkaide.

18.00 Aleksi Ahlakorpi Stand up

Aleksi Ahlakorpi lea ohcejohkalaš, guovttegielat komihkkár. Ahlakorpi lea bajásšaddan guovtti kultuvrra gaskkas ja geahččá Sámi ja Suoma kultuvrraid sihke olggo- ja siskkobealde.

Stand up -komihkastis son ovttasta sátneleaikkaid ja oanehis onelineriid sihke guhkit ságaid, main son gieđahallá mátti ja davi, Suoma ja Sámi earuid, guorahallá almmáivuođa ja dien, mo lea eallit sámegielat láddelažžan Sámis.

Diibmá Ahlakorpi lei hutkán, son lea Jagi láddelaš. Dál son lea fitnan muhtin reaissus ja fuomášan, son leage Olgoláttán!

Buresboahtin guldalit, go máilmmi áidna davvisámegielat láddelaš stand up -komihkkár ovdanbuktá su Olgoláttán-show Sámi kultur- ja komihkkaoaivegávpogis, Ohcejogas!

Dilálašvuohta lágiduvvo lávus ja lea sámegielat. Show guhkodat lea sullii diibmu. Ovdanbuktin lea davvisámegillii iige dies leat dulkojupmi. Show ii heive smávva mánáide.

19.00 Áilu Valle x SápmiDem

19.30 Jalvvi Niillas & Pauli Lyytinen 

Jalvvi Niillasa (Niillas Holmberg) ja Pauli Lyytinen Naarattu lávlla doalvu guldaleaddji jaskatvuođa dillái, mas áigi njoahcu ja nuppástuvvá. Duoji guovddážis lea oktavuohta lundui. Holmberg dikten ja luohti ovttastuvvet Lyytis-saksofonii ja elektronihkkii vugiin, mas lea juoga áigahaš: oktanaga boares ja dálá, oahpes ja amas. Lyrihkka, musihkka ja improvisašuvdna dahket ollisvuođa, mii rahpasa measta savkalemiin ja rahpá guldaleaddjái olles máilmmi.

21.00 Jezebro 

Jezebro (Jesse Ruokolainen) lea sápmelaš rap artista, ja su musihka seaguha melodialaš rap ja garra duogážiid. Son laktá bihttáide maiddái juoigama mas šaddá ovttalágan ja dovduičuohcci soundi. Jezebro buktá guldaleaddjái somás ja vuogas dovddu litna jienain ja áigeguovdilis lyrihkaiguin. Jezebro lei maiddái mielde 2023 Sámi Grand Prix lávlungilvvus rap skibir Yungmiquin bihttán ‘Cokka gávtti!’.

22.30 Rávggon 

Rávggon lea vuohččulaš-oululaš folk-rock -joavku. Rávggon lea almmustahttán guokte albuma Ráji ravddas (2016) ja Gapmu (2024). Musihkkajoavku lea lávken lávddi ala miehtá Sámi, Suoma ja olgoriikkaid. Joavku olahii goalmmát saji Máska-bihtáin Sámi grand prix -lávlungilvvus Musihkka lea rievdan bealleakustihkalaš folk-pop -stiillas progressiiva rock guvlui ja das gullo eanet ah eanet luohti. Konsearttain Rávggon čuojaha máŋggabealágit iežas musihka ja soitet gullot maid eará erenoamáš lávlagat!

24.00 Etta 

Artista Etta lea badjánan buolvvas mearkkašahtti jietnan ovttastahttimin pop-musihka stuorra melodiijaid ja rap-musihka miellaguottu. Dat gullo maiddái Million Dollar Smile -bihtás, mainna Etta searvvai UMK:i giđđat 2026. Máŋggabealatvuođainis fiinna Etta lea maid beakkán das, ahte sus lea geasuheaddji live-energiija, mii ii guođe geahččiid galmmasin. Etta eatni beale máttut leat Ohcejogas ja vaikko sápmelašvuohta ii oidno su árgabeaivvis giela dahje vieruid bokte, dat lea sohkii stuorra rápmi.

Ovdabileahtat, 2 beaivvi festiválabileahtaid

• Rávesolbmot 45 €
• 9-17 j. mánát 20 €

Vuollel 9 jáhkalaččat eai dárbbaš bileahtaid, sii besset festiválii fuolaheaddji fárus nuvttá.

Guovtti beaivvi bileahta giehtabáttiid festiválii sáhttá oastit ovddalgihtii hálbbibut dán neahttaliŋkka bokte.

Ovdabileahtat leat vuovdimassii neahttagávppis sotnabeaivvi 14.6. dmu 18 rádjai.

Oasti geatnegahttojuvvo viežžat iežas bileahta giehtabátti.

Giehtabátti sáhtát viežžat

• Ohcejoga gielddadálus 8.-12.6. ja 15.6. dmu 16 rádjai.
• Buresveadjinbeaivvit bargoahkásaččaide -dáhpáhusa oktavuođas
  • Gáregasnjárgga Njálla-hállas bearjadaga 12.6. dmu 12-18
  • Njuorggáma boares skuvllas gaskavahko 10.6. dmu 12-18

Vejolaš sierraordnedeamit, mat laktásit bileahta giehtabáttiid viežžamii, galgá sierra soahpat giehtabáddevuovdima oktavuohtaolbmuin 15.6. dmu 16 rádjai.

Ovddalgihtii ostojuvvon bileahta giehtabáttiin beasat njuolgga festiválaguvlui itge dárbbaš čuožžut ráiddus.

Ovdabileahta vuovdin, várren- ja šluhtteneavttut 

2 beaivvi bileahta giehtabáttit (uskkádagas)

• Rávesolbmot 50 €
• 9-17 j. mánát 25 €

Vuollel 9 jáhkalaččat eai dárbbaš bileahtaid, sii besset festiválii fuolaheaddji fárus nuvttá.

1 beaivvi bileahtta (uskkádagas)

• Rávesolbmot 30 €
• 9-17 j. mánát 15 €

Vuollel 9 jáhkalaččat eai dárbbaš bileahtaid, sii besset festiválii fuolaheaddji fárus nuvttá.

Bileahttavuovdinbáikkit leat festiválaguovllu boađáhaga oktavuođas. Bileahttavuovdin lea rabas bearjadaga dmu 16.30 – 24 ja lávvardaga dmu 17.30 – 24.

Dáhpáhusa ordnejeaddji várre vuoigatvuođa nuppástusaide.

Boradeapmi

Dáhpáhusas leat Pieni Juurileipomo ja Ohcejoga gievrraid searvvi vuovdinbáikkit. Vuovdimassii leat herskot unnit ja stuorit nealgái. Dasa lassin guovllus lea badjel 18-jahkásaččaide dárkkuhuvvon dárjudanguovlu, mas fállamis vástida Aurora Holidays.

Lasseprográmma

Festiválas leat mielde čeahpes čikŋaduojárat, Harald paja, Mieli Koru ja Katja Magga Design, Mucca Design sihke @ritarosaliinaduodji x MuMex Oy

Borgguheapmi ja gárrenávdnasat

Festiválaguovllus leat sierra merkejuvvon borgguhanbáikkit, nu ahte gudnejahtáthan eará festivála gussiid ja čuovut merkejuvvon báikkiid. Muitte ahte maiddái snuvssat gullet ruskalihttái – eai ge sitnugieddái.

Iežas alkoholajuhkamušaid buktin festiválaguvlui lea gildojuvvon. Alkoholajuhkamušaid lea lohpi návddašit dušše dárjudanguovllus.

Hivsset

Guovllus leat guokte hivssega, gosa boahtá čáhci, nubbi dáin lea inva-hivsset. Lassin festiválaguovllu boađáhaga oktavuođas leat sierra vel goikehivssehat (bajamaja).

Dorvvolašvuohta

Ohcejohka Šearrá -festivála lea rabas buohkaide, muhto vuollái 18-jahkásaš mánát ja nuorat oassálastet dáhpáhussii fuolaheaddjiideasetguin. Go eanáš prográmma lea eahkedis ávžžuhat fuolaheaddjiid árvvoštallat heivego dáhpáhus aivve bearraša unnimusaide. Jos boađat dáhpáhussii mánáiguin, fálathan mánnái dorvvolaš festiválavásáhusa gárrenávdnasiid haga.

Nuoraid várás festiválaguvlui huksejuvvo nuoraid iežas orrunlatnja, gos nuorat besset friddja orodit. Báikki alde leat maiddái nuoraidbargit, geat fuolahit das, ahte dáhpáhus lea buohkaide nuoraide dorvvolaš ja guoibmái.

Dáhpáhusbáikki dárjudanguovllus ahkerádjá lea 18 jagi.

Festiválas háliidat gudnejahttit dorvvolaš saji prinsihpaid, danin juohkelágan givssideapmi, vealaheapmi ja heađušteapmi lea gildojuvvon. Jos fuomášat heivemeahttun láhttema, váldde roahkkadit oktavuođa bargovehkii.

Easttahisvuohta

Dáhpáhusbáiki Ohcejohnjálmmi Gieddemielli ii váidalahtti leat easttahis báiki, muhto geat geavahit juvlastuolu dahje eará veahkkeneavvuid, sáhttet oassálastit dáhpáhussii go váldet fuopmášupmái čuovvovaš ovttaskasáššiid:

· Dáhpahusbáikki boađáhaga oktavuođas, bileahtaid vuovdinbáikki guoras leat sierra merkejuvvon invaparkerensajit.

· Parkerensajis galgá njiedjat mielli festiválaguvlui viehka ceakkolágan čievrabálgá mielde. Oassi guovllu eatnamis lea eahpedássidis sitnugieddi dahje sáttoeana.

· Guovllus lea inva-wc, gosa boahtá čáhci.

Veahkke- ja oahpistanbeatnagat liekkus buresboahtin dáhpáhussii. Bargoveahka veahkeha dárbbu mielde nu bures go nagoda. Bivddáthan roahkkadit veahki!

Ohcejohka Šearrá -festivála lágiduvvo Ohcejoga gilis Gieddemiellis Njuorggángeaidnu 1, Ohcejohka.

Ohcejohka Šearrá -festivála ordnejuvvo Ohcejoga gilis Gieddemiellis Nuorgamintie 1, Ohcejohka. Festiválaguovllu parkerensadji lea oaivvilduvvon ovdasajis festivála ordnejeaddjiide, artisttaide, gádjunbargovehkii ja eiseválddiide ja lihkadaneasttalaččaide. Festiválagussiid ávžžuhit parkeret iežaset biillaid Ohcejoga gielddadálu parkerensadjái (Luossa 1) dahje Ohcejoga searvegottedálu parkerensadjái (Tenontie 1). Parkerensajit leat rájálaš mearri, njuovžilis festiválavásáhusa sihkkarastima dihte ávžžuhat gussiid boahtit báikki ala vejolašvuođa mielde oktasašsáhtuiguin.

Jos háliidat gullat Ohcejohka Šearrá -dáhpáhusa áigeguovdilis ođđasiid ovddimuččaid joavkkus, de čuovo Tapahtumien Utsjoki – konttuid Instagramas ja Facebookis.

Ohcejohka Šearrá -festivála iežas Facebook-siidduide beasát dákko.

Kulturfestivála hashtag lea #ohcejohkašearrá, geavat dan friddja maiddái iežat kanálain!