Koronavirus ja spiehkastatdilli
Dán siiddus lea diehtu koronavirusa birra ja dan spiehkastatdili birra, man virus lea dagahan servodagas ja Ohcejoga gielddas (b. 5.6.).
Koronavirus Covid-19
Riikadásis koronavirusepidemijadilli lea buorránan. Epidemijadilli lea iešguđetlágan iešguđet sajiin riikkas. Stuorramus oassi dáhpáhusain lea Uusimaas. Daid guovlluin mas leat mearkkat epidemija leavvamis, galggašii suodjalit riskajoavkkuid, nappo boares olbmuid ja buohcci olbmuid.
Almmoslas deaivadeamit, lihkadeampi ja galledeamit dearvvasvuođabáikkiidda leat ráddjejuvvon, sosiála- ja dearvvasvuođa kapasitehta lasihuvvon ja ráját leat oasái gitta.
Dávdamearkkat
Koronavirusiid dagahan dávddaid ihtináigi infekšuvnna oažžumis lea 2-14 jándora (gaskamearálaččat sullii 5 jándora). Virus njoammu lagamustá riškkanasnjoammumin. Dat sáhttá njoammut maid guoskkaheami bokte.
Koronavirusinfekšuvnna dávdamearkkat leat:
- nuorvvu, gosahat, vuoigŋanváttisvuohta
- deahkkebákčasat, váibasat
- illáveadjin, luhča
- máistima ja havssu hehttehusat
Lappi buohccedikšunbires leat sirdásan vuollegis šielmmá testenstrategiijai, man ulbmil lea caggat dávdda njoammuma, suddjet riskajoavkkuid ja dorvvastit dan, ahte kritihkalaš bargit leat doarvái ja dorvvastit dearvvašvuođafuolahusa suvdinnávcca.
Áigeguovdilis áššit fidnodatdoalliide
Áigeguovdilis diehtu fitnodatdoalliide koronavirusa dagahan spiehkastatdilis dáppe.
Ohcejoga dearvvasvuođaguovddáš
Jos eahpidat ahte dus alddát dahje du lagašbirrasis lea koronavirusinfekšuvdna, de váldde dearvvasvuođafuolahussii oktavuođa TELEFOVNNA BOKTE, gos oaččot rávvagiid joatkkadoaimmaid várás.
- virgeáigge (dmu 8-16) Ohcejoga dearvvasvuođaguovddáš tel 040 1810285
- gozihanáigge (árgaeahket ja idja sihke vahkkoloahpat ja árgabasit) Avvila dearvvasvuođaguovddáš tel 040 770 9187.
- Jos du dearvvasvuođadilli lea infekšuvnna geažil fuotni, de riŋge njuolga 112. Almmut telefovnnas vejolaš koronaviruseahpádusa.
- Várut boahtimis almmutkeahttá dearvvasvuođaguovddážii, dasgo sáhtát njoammudit earáid.
- Jos boađát dearvvasvuođaguovddážii ja dus leat vuoigŋanoali dávdamearkkat, de váldde dalán go boađát iežat muođuide kirurgalaš vuoigŋanmáskka ja bija gieđaide giehtadesi.