Sámi kulturárbbi nannen Deanuleagis -projeakta

Sámi kulturárbbi nannen Deanuleagis -projeakta čohkke fámuid eandalii Deanuleagi árbevirolaš luossabivdui laktáseaddji dáidduid, dieđuid ja vieruid vurkemii.

Ohcejoga gielddas Deanu luossabivdingielddus ja korona leat buktán duođalaš vára guollebivdoárbbi ja dasa laktáseaddji viiddis máhttima jávkamis. Dát guoská oppa Deatnoleagi ja eandaliige guovllu sápmelaškultuvrra. Jávki árbevieruin lea njuolggo mearkkašupmi guovllu ássiide ja mohki bokte maiddái turismafitnodagaide ja turisttaide. Guollebivdoárbái laktása ieš guollebivddu lassin ollu árbevirolaš čehppodat, sátnerádju ja báikenamat, mat leat jávkamin.

Projeavtta boađusin čoggo iešguđet hámis vurkejuvvon, álkidit gávdnamis ja geavaheamis leahkki árbediehtu skuvllaid, turismma sihke eará čanasjoavkkuid atnui. Projeavtta ollašuhttin čatnašuhttá nannosit báikkálaččaid, servviid, fitnodagaid ja skuvlla ovddasteaddjiid mielde ja áigumuša loahppaboađusin šaddi vurkemiid geavaheapmái ja ávkinatnimii máŋggabeallásaččat.

Projeavtta doaibmabijut

1. Gevvojuvvo čađa dálá báikenammadiehtu, dat dievasmahttojuvvo dárbbu mielde ja váldojuvvo čielggas dan ovdanbuktinvugiin, vai dat livččii viidát ja álkidit máŋggaid beliid geavaheamis.
2. Buvttaduvvo materiála čohkkejuvvon materiálain sihke čoggojuvvo lasi dakko gokko váilu (video, jietna, govva, teakstahápmi). Árbediehtu čoggojuvvo viidát ee. guollebivdindilis (dálki, jagiáigi, čázi liekkasdilli), guoli láhttemis, guollebivdovugiin, sállaša gieđahallamis, doaibmanvugiin, duodječehppodagas.
3. Váldojuvvo čielggas gos materiála sáhttá atnit ávkin: ee. oahpahus, digitálalaš vuođut, integreren speallomáilbmái, musea- ja čájáhustiippa doaibman, turisma ja sosiálalaš media.
4. Váldojuvvo čielggas báikkálaččaid árbevierro- ja kulturčehpiiguin sin čehppodaga ávkinatninvejolašvuođain sámegielat bálvalusaid ja luovvi surggiid fitnodatdoaibmama ovddideamis.

Projeavtta ruhtadeapmi ja ollašuhttináigi

Projeavtta budjeahtta lea 103 077 euro man lea mieđihan Leader Pohjoisin Lappi. Projeakta lea álggahuvvon guovvamánus 2022 ja dat nohká 30.6.2023.