Ohcejoga gielddas lea álgán prošeakta, mii vurke ja buvttada Deanu luossabivdoárbevierus materiála skuvllaid, turismma ja eará čanasjoavkkuid atnui

6.6.2022

Utsjoen kunnassa on käynnistynyt uusi kalastusperinnehanke, joka tuottaa Tenonlaakson lohestusperinteestä helposti käytettävää tietoa koulujen, matkailun sekä muiden sidosryhmien käyttöön

Govva: KotaCollective

Ohcejoga gielddas lea álgán ođđa Sámi kulturárbbi nannen Deanuleagis -prošeakta, mas guovddáš áššin lea čohkket Deanuleagi árbevirolaš luossabivdui laktáseaddji dáidduid, dieđuid ja vieruid. Dasa lassin prošeavttas kártejuvvo dálá báikenammarádju ja dat dievasmahttojuvvo dárbbu mielde ja maid čielggaduvvojit heivvolaš ovdanbuktinvuogit.

Deanu luossabivdingielddus lea buktán duođalaš vára sámi guollebivdoárbbi ja dasa laktáseaddji viiddis máhtu jávkamis. Jávki árbevieruin lea njuolggo mearkkašupmi Deanuleagi guovllu ássiide ja eahpenjuolgga mearkkašupmi maid turismafitnodagaide ja turisttaide. Guollebivdoárbái laktása ieš guollebivddu lassin ollu árbevirolaš čehppodat, sátnerádju ja báikenamat, mat leat jávkamin dahje váras jávkat.

Ulbmilin lea ahte Sámi kulturárbbi nannen Deanuleagis -prošeavtta boađusin čoggo iešguđet hámis vurkejuvvon, álkidit gávdnamis ja geavaheamis leahkki árbediehtu skuvllaid, turismma sihke eará čanasjoavkkuid atnui. Geasi 2022 áigge ordnejuvvojit buohkaide rabas gilieahkedat, main lea de ulbmil ságastallat gos ja mo prošeavtta áigge čoggon dieđuid sáhttá ávkkástallat. Gilieahkedii áigetávval almmuhuvvo maŋŋelabbos gieldda neahttasiidduin.

Prošeakta ordne ovttas Deanuleagis sámástit -prošeavttain (Interreg Davvi 2020–2022) ja gieldda asttuáigedoaimmain maid 12–18-jahkásaš Ohcejoga gieldda nuoraide oaivvilduvvon guolástan- ja medialeairra suoidnemanus Ohcejogas. Loga leairra birra eambbo dákko!

Sámi kulturárbbi nannen Deanuleagis  -prošeavtta bušeahtta lea 103 077 euro man lea mieđihan Leader Pohjoisin Lappi. Prošeakta lea álgán guovvamánus ja dat nohká maŋimustá 30.6.2023.

Lassedieđut:

Piia Nuorgam
Prošeaktahoavda
040 353 9264
piia.nuorgam@utsjoki.fi

Anni Ahlakorpi
Prošeaktabargi
040 571 9269
anni.ahlakorpi@utsjoki.fi

 

Utsjoella on keväällä käynnistynyt kalastusperinnehanke

Utsjoella on keväällä käynnistynyt kalastusperinnehanke 2

Utsjoella on keväällä käynnistynyt kalastusperinnehanke 1


Eará ođđasat