Gieldalaččaid ságastallandilálašvuođat buresveadjimis adde buriid nisttiid gieldda doaimmaid ovddideami várás – geahča čoahkkáigeasu ja muital iežat sávaldagaid!

4.9.2023

Utsjoen kuntalaisten hyvinvoinnin keskustelutilaisuudet antoivat paljon eväitä kunnan toiminnan kehittämiselle – katso yhteenveto asukkaiden toiveista ja kerro omasi!

 

Ohcejogas, Njuorggámis ja Gáregasnjárggas ságastallui borgemánus gieldda lágidan gilidilálašvuođain ohcejohkalaččaid buresveadjimis – das, mii gullá Ohcejoga gieldda ássiid buresveadjimii, mat áššit leat bures, maid áššiin sáhtášeimmet buoridit, ja mo mánát ja nuorat vedjet.

Ságastallandilálašvuođain bođii ovdan namalassii gieldda astoáiggedoaibma ja dan ovddideapmi. Gieldalaččaid gaskkas bohciidahtii ságastallama earret eará filbmadoaibmama ođđasit álggaheapmi ja filmmaid čájeheapmi maiddái Gáregasnjárggas ja Njuorggámis. Dilálašvuođain sávve maiddái earret eará gákkesmuoraid gieldalaččaid geavahussii, searvedoarjagiid servviid doarjuma várás, eanet čuoiganláhttuid ja suomagielat kulturdáhpáhusaid. Rusttega virtuálačáhcelášmmohallama ollašuhttima várás lea ulbmil oažžut Ohcejoga vuojadanhállii juovlamánus 2023.

Gieldalaččat válde ovdan dilálašvuođain maiddái gieldda vistedili ja maid sávaldaga, ahte gildii huksejuvvojit ođđa visttit. Gieldda buorránan diehtojuohkindoibmii ássit ledje duđavaččat. Giliide gieldalaččat sávve almmuhantávvaliid, main olbmot, geat eai geavat neahta, sáhttet čuovvut gieldda almmuhusaid. Maiddái gáiddusbargolanjat sáhtášedje geasuhit gildii ođđa ássiid.

Njuorggámii olbmot sávvet lášmmohallansále, golmma geidnosa geailosále ja maid boarrásiiddálu. Girjerádjodoaibma oaččui gili ássiin positiiva máhcahaga. Maiddái Laphai sirdašuvvan dearvvasvuođaguovddášbálvalusat doibmet ássiid mielas bures.

Gáregasnjárggas ássit sávve eanet dakkár doaimmaid, mat čohkkejit olbmuid oktii. Servvoštallan ja sosiála kontávttat livčče gili ássiide dehálaččat. Ássit sávve Gáregasnjárgii maiddái eanet bagadallon lášmmohallama, namalassii ahkeolbmuide. Mánáide leat fállun ollu ájanasdoaimmat.

Mánáide ja nuoraide gieldalaččat sávvet giliid oktasaš dáhpáhusaid ja servvoštallama, daningo guhkes gaskkaid geažil sierra giliid mánát ja nuorat eai gártta oaidnalit. Maiddái sámegiela hálliid buresveadjimis ássit leat fuolas. Gieldalaččat sávvet lasi doarjaga mánáid ja nuoraid sámegiela geavaheapmái sihke gieldda ja servodaga beales.

Ohcejoga gielda giitá juohkehačča, guhte oassálasttii ságastallandilálašvuođaide! Juos it beassan báikki ala, sáhtát guođđit iežat evttohusa gieldda buresveadjima ovddideami várás vuolábeale skoviin sotnabeaivvi 10.9 rádjai. Sáhtát deavdit skovi juo namain dahje čálekeahttá iežat nama.

Lassidieđut:

Päivi Kontio
Buresveadjinhoavda
040 744 7630
paivi.kontio@utsjoki.fi

Kaisa Tapiola-Länsman
Kultur- ja asttuáiggečálli
0400 319 852
kaisa.tapiola-lansman@utsjoki.fi

Kuntalaisten hyvinvointi

Eará ođđasat