Ohcejoga gielda mearrida dearvvasvuođabálvalusaid háhkamis
17.4.2024
Ohcejoga gielddaráđđehus čoahkkana vuossárgga 22.4.2024 mearridit Ohcejoga gieldda láhkageatnegahtton dearvvasvuođafuolahusa bálvalusaid háhkamis. Gielda gilvalahtii bargodearvvasvuođafuolahusa bálvalusaid, dasgo dálá soahpamuš nohká cuoŋománu loahpas. Fálaldatbivdagii ii boahtán oktage fálaldat. Dán dihte Ohcejoga gielda háhka bargodearvvasvuođafuolahusa bálvalusaid njuolga Terveystalo Oy:s.
Háhkanlága mielde háhkanovttadat sáhttá válljet njuolggoháhkama, jos rabas meannudeamis eai leat boahtán fálaldagat. Lasseeaktun lea, ahte álgoálgosaš fálaldatbivdaga eavttut eai erenoamáš olu nuppástuhtto. Ovdalis máinnašuvvon njuolggoháhkama eaktu heivehuvvo maid sosiála- ja dearvvasvuođabálvalusaid háhkamii.
Dán áššis sáhttá sirdašuvvat njuolggoháhkamii, dasgo fálaldatbivdagii eai boahtán fálaldagat. Sihke háhkanlága ja hálddahusnjuolggadusa čála prošeavtta erenomáš kvalitehta birra doarju dan, ahte bálvalusaid sáhttá oastit njuolga.
LASSEDIEĐUT:
Väinö Guttorm, gielddaráđđehusa ságadoalli
040 503 1574
vaino.guttorm@utsjoki.fi
Päivi Kontio, gielddahoavda
040 744 7630
paivi.kontio@utsjoki.fi