Gielddaráđđehus čoahkkana vuossárgga 6.11. válljet gielddahoavdda virggi ohcciid jearahallamiidda
6.11.2023
Ohcejoga gielddaráđđehus čoahkkana vuossárgga 6. beaivve skábmamánu válljet, geaid gielddahoavdan ohcan olbmuin dat bovde jearahallamiidda. Gielddaráđđehus lágida válljejuvvon ohcciid jearahallamiid vuossárgga 13. beaivve skábmamánu. Jearahallamiidda bovdejuvvojit maiddái buot váldostivrra áirasat.
Ohcejoga váldostivra mearridii čoahkkimisttis vuossárgga 23. beaivve golggotmánu máhcahit gielddahoavdda virggi deavdima ruovttoluotta gielddaráđđehusa válmmaštallamii. Gielddaráđđehus lei árat evttohan váldostivrii, ahte virgái eai jearahallojuvvo ohccit ja gielddahoavdan válljejuvvo hálddahusdiehtagiid magisttar, gieldda dálá buresveadjinhoavda Päivi Kontio, guhte lea addán virgái iežas miehtama. Váldostivra goittotge oaivvildii, ahte virgái galgá lágidit jearahallamiid.
Ohcejoga gielddahoavdda virgái leat evttohassan 32 ohcci ja okta miehtama addán olmmoš. Virggi jotkojuvvon ohcanáigi nogai 29. beaivve čakčamánu.
Ohcejohkii ohcet ođđa gielddahoavdda, daningo gielddahoavdan doaibman Taina Pieski sirdásii borgemánus Sámemusea Siidda museahoavdan.
OAHPÁSMUVA EVTTOHUSLISTUI
Sáhtát oahpásmuvvat čoahkkima olles evttohuslistui dákko. Čoahkkinbeavdegirji almmustahtto dárkkisteami maŋŋá min neahttasiiddus.