Rávven ja doarjja mánnábearrašiidda ja nuoraide.
16.5.2024
Siđa veahki! -boallu lea vuollegis šielmmá oktavuođaváldinkanála mánnábearrašiid ja nuoraid bálvalusaide.
Go deaddilat boalu, de rahpasa oktavuođaváldima skovvi. Dainna sáhtát jearrat ráđi dahje sihtat veahki iežat dahje du lagasolbmo dili dihte. Sáhtát dikšut ášši namain dahje nammamearkkain. Dutnje váldit oktavuođa 1–2 árgabeaivvi áigge.
Boalu bokte sáhtát váldit oktavuođa máŋggalágan áššiin. Oktavuođa sáhttá váldit ovdamearkka dihte dalle, jos leat fuolas máná skuvlavázzimis, láhttemis dahje skihpáráššiin, párragaskavuođas leat riiddut, ozat áiggeádjevejolašvuođaid dahje deaivvadanbáikkiid, váillahat ráđi dahje doarjaga váhnenvuhtii, smiehtadalat mielladearvvasvuođa áššiid dahje mat nu eará áššit deddet du miela. Ii mihkkige áššiid leat menddo uhcci dahje stuoris!
Oktavuođaváldimii vástidit bearašguovddáža bargit. Báikki mielde vástideaddjit leat Lappi buresveadjinguovllu, gielddaid, servviid ja searvegottiid bargit.
Amma válddát vuhtii, ahte Siđa veahki! -boallu ii leat akuhta áššiid dahje heahtediliid dikšuma várás. Dáin diliin váldde njuolga oktavuođa 112 dahje buresveadjinguovllu sosiálafáktavurrui.
Siđa veahki! lea suomagillii, davvisámegillii ja anárašgillii. Sámegielat skovi bokte oaččut oktavuođa sámegielat bargái. Eará gielat oktavuođaváldinkanálaid gávnnat čujuhusas www.lapha.fi/pyyda-apua. Siđa veahki! -boalu gávnnat maid gieldda neahttasiidduin.
