Oahpahusministtar Anders Adlercreutz galleda Ohcejogas 9.11. – Álbmotdilálašvuohta dmu 18.30 gielddadálus
9.11.2026
Ohcejoga gieldda njunnošat deaivvadit otne oahpahusministtar Anders Adlercreutziin, go son galleda Ohcejogas. Gieldda ovddasteaddjiid ságain ministarii deattuhuvvet oahpahusdoaimma plánat ja dilli: Sámegielaid gáiddusoktavuođaiguin ávkkástalli oahpahusa ruhtadeami sihkkarastin ja Ohcejoga sámelogahaga spesiálalogahatstáhtusa ohcan. Sámegielaid gáiddusoahpahus lea ollašuhtton mearreáigásaš projeaktaruhtademiin, man sivas oahpahussii ohccojuvvo bissovaš ruhtadeapmi. Logahaga oasil lea válmmaštallon erenomáš skuvlenbarggu ohcan sámekultuvrra ja sámegielaid oahpahussii.
Ohcejohkalaččat besset deaivat ministtar Adlercreutz gielddadálus rabas álbmotdilálašvuođas dmu 18.30 rájes. Álbmotdilálašvuođa lágida RKP.
Lassediehtu
Buresveadjinhoavda Pirjo Seurujärvi
040 139 5420
pirjo.seurujarvi@utsjoki.fi