GULAHUS: Suoma mearrabirrasa dilli 2024 gullan
15.12.2023
Almmuhus gullamis, mii guoská Suomen meriympäristön tila 2024 (Suoma mearabirrasa dilli 2024) -árvalussii.
Varsinais-Suomi EJB-guovddáš ja birasministeriija bivdet máhcahaga gullanmateriálas 15.12.2023–15.3.2024. Neahttasiidduin čujuhusas www.ymparisto.fi/vaikutavesiin/merenhoito sáhttá lohkat duogášáššegirjjiid ja materiála, mat leat gullan láhkai. Siiddus leat maiddái rávvagat, mot sáhttá addit máhcahaga.
Duogáš
Mearadivššu plánema stivrejit Suomas laki vesienhoidon ja merenhoidon järjestämisestä (1299/2004) [láhka čáziiddivššu ja mearadivššu ordnemis] ja stáhtaráđi asetus merenhoidon järjestämisestä (980/2011) [ásahus mearadivššu ordnemis], maiguin lea doibmiibiddjojuvvon Eurohpa uniovnna meristrategiadirektiivi (2008/56/EY) [mearrastrategiijadirektiiva]. Mearadivššus vástida birasministeriija ovttasbarggus Varsinais-Suomi EJB-guovddážiin ja Suoma ympäristökeskusiin (Suoma birasguovddáš). Mearadivššu mihttomearrin lea mearrabirrasa buorre dilli čáhcerájis gitta ekonomiijaavádaga olgorájá rádjái. Suoma mearadikšunplána beaiváduvvo golmma muttus guđa jagi gaskkaid. Mearadikšunplána vuosttamuš oassi Suoma mearrabirrasa dilli 2024, mii lea dál gullan láhkai, beaiváduvvo jagi 2025. Nubbi oassi, Suoma mearadikšunplána čuovvunprográmma jagiide 2026–2032, beaiváduvvo jagi 2026 ja plána goalmmát oassi, Suoma mearadikšunplána doaibmabidjoprográmma jagiide 2028–2033, beaiváduvvo jagi 2027. Dárkkistuvvon mearadikšunplána dolvojuvvo oppalažžan stáhtaráđđái dohkkehuvvot jagi 2027 loahpas.
Áššegirjjit ja daid oaidnin láhkai doallan
Gullanvuloš materiála lea Suoma mearrabirrasa dilli 2024, mii lea mearadikšunplána vuosttamuš oassi. Dasa lassin dilleárvalusa duogáža čilgejit Buori saji meroštallamat ja šielbmáárvvut ja Mearadivššu birasmihttomeriid dárkkisteapmi 2024. Dat eai leat aitosaččat gullanmateriálan, muhto maiddái dain sáhttá addit máhcahaga. Dasa lassin duogášmateriálan lea Nuortameara suodjalankommišuvnna (HELCOM) eaŋgalasgielat raporta State of the Baltic Sea 2023, mii gieđahallá olles Nuortameara dili.
Gullanvuloš materiála oktan duogášáššegirjjiinis lea lohkan láhkai neahttasiiddus čujuhusas http://www.ymparisto.fi/vaikutavesiin/merenhoito, gos leat maiddái rávvagat, mot sáhtát addit máhcahaga.
Máhcahaga addin
Buohkain lea vejolašvuohta ovdanbuktit iežaset oaivila gullanvuloš materiálas 15.3.2024 dmu 16.00 rádjái váldoáššis lausuntopalvelu.fi -neahttabálvalusa bokte bajilčállagiin Suomen meriympäristön tila 2024 (Suoma mearrabirrasa dilli 2024) dahje sáddemiin máhcahaga elektrovnnalaččat dahje čálalaččat Varsinais-Suomi EJB-guovddážii. E-poasta: kirjaamo.varsinais-suomi@ely-keskus.fi, poastačujuhus: Varsinais-Suomen elinkeino-, liikenne- ja ympäristökeskus, PL 236, 20101 Turku, galledančujuhus: Itsenäisyydenaukio 2, 20800 Turku.
Sáhttibehtet addit máhcahaga maiddái das, leago Suoma mearrabirrasa dilli 2024 doarvái gokčevaš virgeoapmahaččaid plánaid ja prográmmaid birasváikkuhusaid árvvoštallamis addojuvvon lága (200/2005) mieldásaš birasárvvoštallama dáfus. Birasárvvoštallan dahjege SOVA-árvvoštallan vuhtiiváldá maiddái máhcahaga, mii addojuvvo mearadikšunplána čuovvunprográmma ja doaibmabidjoprográmma gullamiid oktavuođas. Birasárvvoštallan gárvejuvvo, go olles mearadikšunplána lea gárvvis jagi 2027.
Lassidieđut Varsinais-Suomi EJB-guovddážis addiba:
Janne Suomela p. 0295 022 947 janne.suomela(at)ely-keskus.fi
Pekka Paavilainen p. 0295 022 921 pekka.paavilainen(at)ely-keskus.fi
Turkus juovlamánu 15. beaivve 2023
Varsinais-Suomi EJB-guovddáš