Bearjadat 5.7.2024

dmu 14.00-16.30 Veahčajoga oaidnámušat – vázzintuvra Veahčahis

Beaivetuvrra áigge vázzit Veahčajoga guora dan fiinna várddobáikkiide geahčadit joga borššuid ja oidnosiid Detnui, mat rahpasit Veahčatnjuni vielttis. Reaissu áigge oahpásmuvvat guovllu šattuide. Máđii lea guhtta kilomehter guhkki ja gáibida buori vuođđosávrodaga meahccebirrasis vázzima geažil. Eanadat lea eanaš álki vázzit, vielttis bálggis lea vehá váddásut. Reisui galgá gárvodit dálkki mielde. Mielde dárbbašat maid vázzimii heivvolaš gápmagiid, juhkamuša ja maid nu vehá njálmme guvlui.

Boahtin: dmu 14 Veahčajoga geaidnoguoras govddit bisánansadji, báiki lea Ohcejogas boađedettiin ovdal Veahčajoga šalddi geainnu gurut bealde. Njuorggámis boađedettiin šalddi maŋŋá olgeš bealde.

Almmuheamit ja diđoštallamat: 0405321064 dahje anne-marie.holm@outlook.com

Reaissu lágida Northern trails.

Oassálastin lea nuvttá.

Sámegielat diktafestivála

Buolbmatjávri (Pulmankijärventie 1041, Nuorggán)

Diktafestivála álgá dmu 18.00. Sámegielat diktafestivála buktá oidnosii Deanuleagi rikkis čáppagirjjálašvuođa. Girječállit ieža besset lohkat iežaset divttaid čáppa Buolbmatjávri gáttis stuorra lávus. Festiválas lea maid rabas mikrofovdna, mainna maid ođđa diktačállit besset jitnii.

Almmut iežas festiválii ovddalgihtii selja.puolitaival@utsjoki.fi

Inger-Mari Aikio

Diktačálli Ima, Inger-Mari Aikio govvida su divttainisguin bottuid, mat bajidit millii dovdduid ja jurdagiid. Guldaleaddji sáhttá fuomášit, ahte náhan maid sáhttá dahkat. Vaikko eallimis lea muhtumin áigga váttis dilit, duogábealde gávdnojit boagusteapmi ja ođđa ilut. Ima orru Buolbmátjávrris ja lea čállán oktiibuot 12 girjji. Son lea buvttadan 5 sámegielat mánáidskearru. Son lea bagadan 12 musihkkavideo ja moanaid dokumeantafilmmaid. Dan lassin Inger-Mari Aikio lea oassálastán máŋgii diktafestiválaide ja eará girjjálašvuođadáhpáhusaide Sámis, Suomas ja olgoriikkain. Aikio divttat leat jorglauvvon s. 20 gillii ja son vuittii Mánáidkultuvra stáhtabálkkašumi jagis 2015.

Helga West

Helga West, Doavtter-Piera Helga (r. 1986)  eret Ohcejoga Badjedeanus ja son lea diktačálli ja teologa. Son bargá nággosgirjedutkin Helsset universitehtas. Teologiija suorgái gullevaš nákkososgirjjistis son guorahallá soabadeapmái laktáseaddji áigeguovdil sámefáttáid, maid son dávjá geavaha iežas divttain ja esseain. Girjjálašvuođas son dovdá beroštumi dáidaga addin vejolašvuhtii sánuhit rašis áššiid buolvvaidrasttildeaddji muitalusaid bokte. Čáppagirjjálaš dujiin son dávjá ovttasta elemeanttaid sápmelašvuođas ja oarjeriikkaid popkultuvrras vuodjumin kolonialismma dagahan gaskavuođaid  jierpmehis beliide ja soabatmeahttunvuođaide.

Niillas Holmberg

Niillas Holmberg (r. 1990) lea bálkkašuvvon deatnulaš girječálli, giehtačálli ja musihkkár. Son lea olggosaddán romána, diktačoakkáldagaid ja esseaid. Holmbergii geigejuvvui Eino Leino bálkkašupmi 2023, lávdegotti ákkaid mielde bálkkašupmi mieđihuvvo Holmbergii su barggustis máŋggagielat diktačállin, deaivil politihkalaš dáiddárin sihke miela, giela ja luonddu oktavuođa muitaleaddjin. Holmberg lea čállán guhkes fikšuvdnafilmma Je’vidan ovttas Katja Gauriloffiin. Holmberg dovdat sápmelaččaid ja eamiálbmogiid iešmearridanvuoigatvuođa bealušteaddjin.

Siri Broch Johansen

Juho-Sire, Siri Broch Johansen lea Deanuoleagi čálli gii ássa Deanušalddis. Son čállá sihke girjjiid, lávdebihtáid ja poesiija maid ovdanbuktá spoken word-hámis. Su ođđasamos girjjit leat  govvagirji Ujus Unii ja áššeprosagirji Reivvet kommišuvdnii, mii sisttisdoallá 70 reivve dážabeal duohtavuođa-ja seanadankommišuvdnii. Sire várra lohká Reivvet kommišuvdnii girjjis. Dahje várra čállá áibbas ođđa reivve kommišuvdnii – várra spoken word-hámis?

Niilo Aikio

Niilo Aikio, Jávrri-Juhán Niillas  (86-j.) lea čállán diehtogirjji eváhko birra, njealje noveallačoakkáldaga, ovtta romána ja dál son čállá maid divttaid ja lávllateavsttaid. Niilo Aikio dovdat buoremusat Nigá girjeráiddu noveallain. Nigá-nammašas sámebártni mánnávuođa ja nuorravuođa dáhpáhusat sajáiduvvet 1940–50-loguide. Girjji 25 novealla vuođđuduvvet duođalaš dáhpáhusaide. Girječálli Niilo Aikio lea ieš eallán dego girjji váldopersovdna Nigá mánnávuođa ja nuorravuođa Buolbmátjávrris. Aikio orru dál Ohcejogas.

Luis Enrike Moscoso

Luis Enrike Moscoso lea diktačálli, dáiddár ja goasttideaddji. Son lea eret Chiapasis, Mátta-Meksikos. Soai leaba bargamin Inger-Mari Aikioin álgoálbmotčálliid máŋggagielat diktaantologiijaráidduin. Festiválas gullat Moscoso iežas divttaid spánskka- ja sámegillii ja muhtin divttaid maid Meksiko-Sápmi -antologiijas.

Sotnabeaivi 7.7.2024

dmu 14.00 Minigolf ja mánáide oaivvilduvvon valástallangilvu suohtastallama dihte

Hástal iežat, bearraša ja skihpára gilvui!

Dilálašvuođa ordne Nuorgamin ikäsähly ovttas báikkálaš Tenon voima -servviin.

Dáhpáhus ordnejuvvo Njuorggáma boares skuvlla šilljobirrasis, čujuhusas Herrakuru 18, Njuorggán.

Vuossárga 1.7.2024-Sotnabeaivi 7.7.2024

Summartime III-čájáhus

Geassečájáhus Majatalo Mannas 15.6.-30.8., Tenontie 8470, Gáregasnjárga. Mielde báikkálaš ja ulgoriikkalaš dáiddariid barggut.

Maŋŋebárga 2.7.2024

Ellos Deatnu-sáttasuhkan

Ellos Deatnu bovde olbmuid sáttasuhkamii suhkat čázádahkamet, luossamet ja boahttevuohttamet. Suhkan lágiduvvo Badje-Deanus Deanunjálbmái  suoidnemánu vuosttas vahkus. Vuolgga lea Joganjálmmi vuolábealde Roavesavvonis maŋŋebárgga 2.7.2024 ja suhkan johtá ijaid beivviid čuoibmi sáttasoabbin suhkkis nubbái vulos gitta Deanunjálbmái. Lassedieđuid gávnnat dáppe.

Bearjadat 5.7.2024

dmu 12.00 Geassebeaivi Gáregasnjárggas

Boađe mielde ávvudit Gáregasnjárgii Gilidálu Sáivvu šiljjobirrasii (Ylätenontie 33 A) ja vásihit doppe oppa gili geassebeaivvi! Prográmmas Gielddahoavdda Dearvvahus (dmu 12.00), “Min Gilli”- dáiddabádji, gili historihkka, máinnastallan, lahpesmárkan “takakonttikirppis”, njoarosteapmi, njuollabálkungilvu ja eará suohttasat!

Joatkit Hotealla Guossi Hánssa baaris karaokein ja dánsumiin!

Lassedieđuid gávnnat dáppe.

Sotnabeaivi 7.7.2024

Sámefilbmafestivála

Lihkadanhálla Njálla (Ylätenontie 330, Gáregasnjárga)

Utsjoen Lumo – Ohcejohka šearrá kulturvahkku loahpahuvvo filbmafestiválii Gáregasnjárgga lihkadanhálla Njállii. Filbmafestivála ordnejuvvo ovttas Sámedikki Skábma filbmaguovddážiin.

Báikki alde filbmadahkki Sunna Nousuniemi. Badje-Deanu sámesearvi fállá ealligovvagussiide káfe.

dmu 15.00 Sávkaleamit Davvin (oktiibuot 66 min)

Mihkkal Hætta: Whisper of Reindeer Milk (18 min)

Auri Ahola: Bálggis (16 min)

Sunná Nousuniemi & Asinnajaq: Rock Piece – Anárjohka edition (12 min)

Sunná Nousuniemi & Tuomas Kumpulainen: Áhkuin (20 min)

dmu 16.30 Árbevierut (oktiibuot  57 min)

Jenni Laiti: Duhát jagi/For Thousand Years (6 min)

Ailu Valle & Mikkal Morottaja: Dokumeanta ealgabivddus (9 min)

Liselotte Wajstedt: Eadni (7 min )

Sara Margrethe Oskal: Rieban (8 min)

Carl-Johan Utsi & Jenni Laiti: Áhku gatnjalat/Teardrops of Our Grandmother (15 min )

Jenni Laiti: Bivdit luosa máhccat (6 min)

Elisabeth Rasmussen: Techno Áhči (6 min )

dmu 18.00 Deanu dáistaleamit (oktiibuot 60 min)

Harry Johansen: Luossamoraš/ Salmon Sorrow 60 min

Lávvardat 29.6.2024

dmu 12 Davi Gievrramus gilvu

Gilvu lea oaivvilduvvon fápmoalbmáide ja -nissoniidda, sidjiide geat astoáiggis buđaldit šlájain ja manin ii maiddái ámmátolbmuide. Gilvvu duopmárin lea guhká šlájain bargan Martti Kyrö. Gilvu ordnejuvvo Ohcejoha valáštallangiettis, Utsjoentie 44, Utsjoki.

Davi Gievrramus lea olles bearraša dáhpáhus, mas beasat čuovvut fiinna falástallanolahusaid ja gilvui movttáskemiid. Gilvvu oassálastit bohtet Ohcejoga gieldda lassin birra Lappi ja eará Suoma. Dáhpáhus lea nuvttá, iige mánáid dáhpáhusa aktivitehtain berrojuvvo máksu. Mánáiddáhpáhusa prográmmas lea njuikunlatni, sohkarbálvvat ja nuoraidbargiid plánen prográmma. Lassedieđuid gávnnat dáppe.

Vuossárga 1.7.2024

dmu 15.00-17.00 Oahpistuvvon vázzintuvra Ulrika bálgás

Oahpistuvvon vázzintuvra Ulrika kultur- ja jaskkodanbálgá alde (sullii 3 km). Vuolgga Ohcejoga girkostobuin. Ofelažžan Aulis Nordberg. Ordnejeaddjin Ohcejoga girkostohposearvi.

Maŋŋebárga 2.7.2024

dmu 18.00 Ilolaš geassekonsearta: Johkamátki Gaska-Eurohpái

Vássán jahkelogiid lávlagat máŋggabealat Gaska-Eurohpá johgáttiin ja muitalusat daid historjjá birra! Oahpes, guhkesáiggi jiellatlávlagat ja ođđa šuoŋat, álgogillii oktan suomagielat tekstemiin. Heive buohkaide ja erenomážit giella- ja musihkkaberošteaddjiide, geat leat nostalgiijagoikkus.

Ohcejohnjálmmi skuvlla máŋggadoaimmalanjain (Utsjoentie 44). Bileahtat uvssa luhtte 15 € (reaidaruhta/MobilePay/Epassi). Vuollel 12-jahkásaččat nuvttá. www.laulumatka.fi

Gaskavahkku 3.7.2024

dmu 12.00-14.00 Oahpistuvvon turva girkostobuin

Oahpistuvvon tuvra Ohcejoga girkostobuin. Ofelažžan Aulis Nordberg. Ordnejeaddjin Ohcejoga girkostohposearvi.

dmu 18.00 Geasseeahkeda konsearta ja oktasašlávlagat Ohcejoga girkus.

Orgela čuojaha Oiva Saukkonen. Nuvttá sisabeassan. Eahketborramuš oktasašvásttolaš ruhtačoaggima buorrin. Ohcejoga girku lea čujuhusas Utsjoentie 564, 99980 Ohcejohka.

Duorastat 4.7.2024

dmu 15.00-17.00 Oahpistuvvon turva Ulrika bálgás

Sámegielat oahpistuvvon tuvra Ulrika kultur- ja jaskkodanbálgá alde (sullii 3 km). Vuolgga Ohcejoga girkostobuin. Ofelažžan Vuokko Hirvonen. Ordnejeaddjin Ohcejoga girkostohposearvi.

Bearjadat 5.7.2024

dmu 13 Ándarasas Árktalaš áigemátkái, oassi 1

Eana lea Beaivváža ektui aphelis dahjege guhkimusas lagasnásttis (152,1 miljovnna km). Dát lea seammás Eatnama jorrama guovdalas geasi jorggáldat. Boađe geahččat Utsjoen Ursa ry láidehusain, mo geahčadit teleskohpain min lagasnástti, Beaivváža (fuom. heajos dálkin ii ordnejuvvo) ja beaivvášgotti uhcamálle. Vuolgga lea asttuáiggeguovddáža (Utsjoentie 48) duohken árktalaš áigemátkki bálgá álggogeahčen gitta duoddara ala Kipinä-lávu lusa.

dmu 16 Ándarasas Árktalaš áigemátkái, oassi 2

Utsjoen Ursa ry ovdanbuktá dán jagi gárvánan historihka mielde Ándaras Kitti ja árktalaš áigemátkki Gieddemiellis, Nuorgamintie 1, 99980 Ohcejohka. Lassin lea vejolašvuohta geahččat Ursa ry láidehusain teleskohpain min lagasnástti, Beaivváža, jos lea šiega dálki.

Lávvardat 6.7.2024

Mu ráhkis ♥ Ohcejohka -festivála

Gieddemielli (Nuorgamintie 1, Ohcejohka)

10.00 Ohcejohka Beach Volley gilvvut 

Utsjoen Kuohu valástallansearvvi ordnen gáddespábbadoaškungilvvut Gieddemielli birrasa gáddespábbadoaškungiettis. Loga gilvvuid birra eambbo dáppe.

11.00 Dáhpáhusbáiki rahpasa

12.30 Gielddahoavdda rahpansáhka, Päivi Kontio

12.35 Jalvvi Niillas

Dáiddár Jalvvi Niillas (Niillas Holmberg) doalvu guldaleaddjiid johkafatnasii gullat iežas soga juigosiid boares Deanuleagis. Dát juigosat gaskkustit ráhkisvuođa, váttisvuođaid ja girjás eallingerddiid. Boares juigosiid lassin Niillas lea juoigan maid dálá olbmuid Deanu guovllus, ja dáidge juigosiid gullat.

13.30 Hildá Länsman

Hildá Länsman, eret Ohcejogas, lea juoigi ja lávlladahkki. Son lea bajásšaddan boazodoalu, sámeduoji ja sámemusihka árbevieruid fárus ja son ovttasta su duogáža dálámáilmmi musihkkii ja oahpuide Sibelius Akatemian Global Music -oahppoprográmmas. Hildá lea loaiddastan viidát sihke Suomas ja riikkaidgaskasaččat ja su earuha earáin su erenoamáš eteralaš, čohka, roava ja čielga jietna. Son lea sámekultuvrra ja juoiganárbevieru fámolaš gáhttejeaddji. Hildá Länsman loaiddasta máŋggain eará čoahkuin, dego Solju, VILDÁ, Gájanas ja ovttasbarggus Tuomas Norvioin.

14.30 Dánsa- ja sirkusčájálmas: #raja23

Nuortarájá historjjá sirddolašvuođa stuorámus joavkkuin, Gárjila eváhkuin, muhtun deaivvai boahtit Ohcejohkiige. #raja23 nammasaš dánsa- ja sirkusduojis gieđahallat rájás orruma, kultuvralaš massima ja diehtojohtima.

Loaiddasteaddji dánsu-koreográfa Riikka Kosola, bátti alde dánsut Sanja Kosonen ja Veera Alaverronen, ja lávlu mánnáloaiddasteaddji Ilona Poncelet Kosola.

15.00 Suõmmkar

Suõmmkar lea musihkkajoavku, mii ovttasta boares, nuortasápmelaš árbemusihka (leuʹdd, katrilla) dálááigásaš máilmmimusihkkii. Musihkkajoavkku  bihtát molsašuddet movttegis katrilla-illudeamis lyrihkalaš, ahkidis balládaide ja ealli eallima njuolggosánálaččat govvideaddji melodalaš duohtamuitalusaide,  leuʹddiide. Musihkkajoavkkus lávlot ja leuddejit nuortalaš guovttos Anna Lumikivi ja Hanna-Maaria Kiprianoff. Suõmmkari joavkkus čuojahit Marko Jouste (mandoliidna, gitárra), Pessi Jouste (fijuvla, sággeguoskkahat čuojanas), Uula Jouste (bássa, sággeguoskkahat čuojanas) ja Elias Nieminen (rumbbut, časkinčuojanasat).

16.00 Emil Kárlsen

Emil Karlsen lea nuorra lea musihkkar, lávllačálli, buvttadeaddji ja neavttár Norgga Omasvuonas. Emil Karlsen čállá musihka davvisámegillii diekkár soundan, mii ii leat ovdal gullon Sámis: ođđamállet joavkovuođđu nuohtalaš vokálaiguin ja poehtalaš teavsttaiguin lea giessaduvvon iešlágan jietnamáilmmi sisa. Ohcejohka Šearrás son loaiddástá ovttas Espen Mortensenan.

17.00 Ulla Pirttijärvi & Ulda

Ulla Pirttijärvi & Ulda -musihkkajoavku  ovdanbuktá modeardna sámemusihka. Musihkkajoavkku musihka guovddáš jurddan lea geavvat musihkalaš dialoga nu árbevirolaš sámekultuvrra ja modeardna kultuvra go   mannanáiggi ja dálááiggi máilmmi gaskka. Ulla Pirttijärvi álggahii dáiddárin 16-jahkásažžan Beaivvaš-teáhteris ja lei vuođđudeamen Aŋŋela nieiddat – Angelin tytöt- joavkku, dan maŋŋá son lea joatkán okto-lávlun bargamin ovttas máŋggain musihkkáriiguin. Ulddas čuojahit Marko Jouste (gitárra), Pessi Jouste (fijuvla), Elias Nieminen (rumbbut), Uula Jouste (bássa ja sággeguoskkahat čuojanas).

Duodjivuorbádeapmi

Ohcejoga gievrrat rs vuovdá vurbbiid Ohcejoga váláštallan- ja kultureallima buorrin. Vuorbelisttu gávnnat dáppe.

19.00 Jiella & Trio Boogiemen

Ohcejoga musihkkajoavku, vássán jagiid min geasuhan Jiella, loaiddasta ovttas Trio Boogiemenin. Jiella vuođđuduvvui sullii 25-jagi dassái. Musihkkajoavku lávlu popmusihka davvisámegillii ja sin musihka guovddáš temát leat sápmelašvuohta, luondu, máilmmi nuppástuvvan ja Deatnu. Lávlladahkki lea Niilo Rasmus. Musihkkajoavku lei duođai čuovggus 2000-logu álggus ja dat loaiddastii dalle viššalit. Jiella musihkkajoavkkus loaiddastit dál Jenna Rasmus Pulk, Eeva-Liisa Rasmus-Moilanen sihke Titta Rasmus.

22.00 Nuoraid iežas festivála Loktafeasta

Nuoraid ideaid vuođul šaddan Loktafeasta-festivála  lágiduvvo Hotel Utsjokis lávvardaga 6.7.2024 dii. 22 rájes. Loktafeasta loahpaha Ohcejohka šearrá (Utsjoen Lumo) kulturvahku váldodáhpáhusbeaivvi Ohcejogas. Dáhpáhus lea oaivvilduvvon 18 jagi deavdán nuorra olbmuide, muhto maid eará ahkásaš ollesolbmot buresboahtin Loktafestii. Festiválii lea nuvttá sisabeassan. 

Festiválas loaiddastit  

Yungmiqu: Mihkku Laiti lea Ohcejohkalaš, dál Oulus orru 21-jahkásaš artista. Ráhkada ráp- ja elektrovnnalaš musihka davvisámegillii ja suomagillii. 

Jezebro: Jesse Ruokolainen lea 20-jahkásaš, Ohcejohkalaš ja dál Oulus orru artista. Ráhkada ráp-musihka davvisámegillii. 

Erke & the boys: lea jagis 2021 vuođđuduvvon heavy metal -musihkkajoavku, man jođiha Ohcejohkalaš Erke Eriksen. Musihkkajoavkkus čuojahit maid Juho Kiviniemi, Patrik Fält ja Roope Forsberg.  

JSH: Jaakko Huru lea 21-jahkásaš Avvillaš, su musihkas ovttastuvvet RnB ja suomiráp. 

Máŧŧarus: Vilho-Simon Mäkinen lea álgoálggus Avvillaš, dál Oulus orru 21-jahkásaš, su musihkas gávdnojit nyánssat deathcore genres. 

Mu ráhkis Ohcejohka festiválas lá 6.7.2024 leat maid márkanat! Gávnnat márkaniin ee. čiŋaid ja njálgga borramuša.

Mielde festiválas leat:

Jonna Anelma:

Čáppa finer- ja silbačiŋat silbalávggastagain. Čiŋat čatnasit lundui ja buktet geavaheaddjái binnáš dan ráfi, ilu ja lihku, maid duojár ieš fitne duoddaris, Jiekŋamearas ja duoddara šattuin.

Haraldin paja:

Davvi-Lappis duddjon áidnalunddot silbačiŋat jagis 2007. Čiŋaid inspirašuvdnan lea luondu ja boares, historjjálaš hámiid buktin dálá áigái. Haraldin paja čiŋat duddjojuvvo eanemustá jo oktii geavahuvvon silbbas ja buot materiálaid siidobuktagat geavahuvvo ođđasit dahje suddaduvvo ođđa čikŋan.

Ami Avellán Jewellery:

Ami Avellán Jewellery, silbačiŋat Anáris. Ráhkaduvvon ráhkisvuođain jo badjel 25 jagi áššedovdamuššan. Ami Avellán ja ohcan diđolaččat earálágán olgguldashámi silbbaide. Inspirašuvdnan lea boares filigránateknihkká. Detálljat šerret dego buolašbeaivi bihci. Avellán duddjo buot čiŋaid Anáris. Silba lea jo oktii geavahuvvon 925 Sterling Silver.

Ohcejoga gievrrat rs

Ohcejoga gievrrat rs vuovdá Ohcejohka Šearrá kulturvahku áigge vurbbiid Ohcejoga váláštallan- ja kutureallima buorrin. Bálkášpmin earálágán sámeduojit, vuorbelisttu gávnnat dáppe.

Ohcejoga Dáiddarávdnji-čájáhus

Dealtáčájáhus govve golmma gili Ohcejoga, Gáregasnjárgga ja Njuorggáma giđa ja geasi 2024 áigge dáhpáhuvvan servodatdáiddaprošeavtta ovdáneami. Bagadallin ledje Klara Falguni, Ines Knaster ja Heli Jussila- Martineau. Prošeakta lei oassi Lappi universitehta dáidaga magisttaroahpuid. Vuolggasadji lei buot dáiddabargguin seammá ja loahppaboađus hápmánii vuorrováikkuhusas guđege gili iešvuođaiguin. Stuorra giittos gulláge aktiivvalaš giliolbmuide. Mielde čájáhusas lea ee. čuovgagovat ja teavsttat oktasaš mátkkis.

Utsjoen Eränkävijät ry:

Festiválakafeas gáffe ja teadja, gáhkut, mális, bruvssat ja čázit.

Pieni juurileipomo:

Dáigeruohttasii láibojuvvon láibbit, bullát ja eará herskot.

ILIMA-prošeakta:

Suvdilis ekonomiija dáiddut ILIMA bargobájis dmu 15 – 18.

BOAHTINRÁVVAGAT JA EARÁ RÁVVAGAT DÁHPÁHUSGUSSIIDE

Buot Utsjoen Lumo – Ohcejohka šearrá -kulturvahku dáhpáhusat leat nuvttá ja rabas buohkaide, jos dáhpáhusgovvádusas ii nuppeláhkai máinnašuvvo. Amma válddát vuhtii maiddái dan, ahte min dáhpáhusain ja festiválabirrasis ii oaččo geavahit gárrenávdnasiid.

Njuorggán:

Diktafestivála ordnejuvvo čujuhusas Pulmankijärventie 1041, 99990 Njuorggán. Biillaid sáhttá parkeret šilljobirrasii. Almmut iežas festiválii ovddalgihtii selja.puolitaival@utsjoki.fi

Gáregasnjárga:

Gáregasnjárgga filbmafestivála ordnejuvvo lihkadanhálla Njálas (Ylätenontie 330, Gáregasnjárga). Biillaid sáhttá parkeret šilljobirrasii.

Ohcejohka:

Mu ráhkis ♥ Ohcejohka -festivála lágiduvvo Ohcejoga gilis Gieddemiellis (Njuorggángeaidnu 1, Ohcejohka). Gieddemiellis lea muhtun veardde parkerensadji biillaid várás. Biillaid sáhttá maid parkeret Ohcejoga gielddadálu parkerenbáikái (Luossa 1a) dahje Ohcejoga searvegottedálu parkerenbáikái (Deanugeaidnu 1).

Govva Ohcejoga parkerenbáikkiin:

Birasvástuplána

Ohcejohka Šearrá kulturfestivála birasvástuplánii beasat oahpásmuvvat dáppe.