Ohcejoga buresveadjinhoavdan čieža ohcci
28.3.2023
Ohcejoga ođđa buresveadjinhoavdan leat mearreáiggis ohcan čieža (7) olbmo. Ohcanáigi nogai 27.3.
Ohccit leat filosofiija doavttirstudeanta Anne Haapala, pedagogihka kandidáhta Minna Karjalainen, hálddahusdiehtagiid magisttar Päivi Kontio, Master of Business Administration Tahir Mahmood, filosofiija doavttir Outi Pohjanheimo ja filosofiija magisttar Kaisa Tapiola-Länsman. Okta ohcci ii hálidan namas almmolašvuhtii.
Ohcejoga gielddaráđđehus vállje ohcciid jearahallamiidda čoahkkimisttis gaskavahku 29.3 ja dahká evttohusa válljemis váldostivrii vuossárgga 17.4. Váldostivra čoahkkana válljet ođđa buresveadjinhoavdda duorastaga 27.4.
Ohcejoga váldostivra mearridii vuođđudit ođđa buresveadjinhoavdda virggi čoahkkimisttis 6.3. Buresveadjinhoavda jođiha gieldda čuvgehusdoaimma, ja buresveadjima ja dearvvasvuođa ovddideami. Buresveadjinhoavda vástida maiddái bargoveaga ja bargoburesveadjima ovddideamis gielddahoavdda doarjjan.