Ullosuohkkogilvu: Gođe Ohcejohka-ullosuohkuid!
21.12.2023
Gođe Ohcejohka-ullosuohkuid – divtte Ohcejoga oidnot stiillas, ivnniin ja govvosiin!
Ohcejohka lea dovddus gávcci jagiáiggis ja davvi sajádagas. Ohcejogas lea nana ja ealli sámekultuvra, buhtes áibmu, ráfi ja sadji. Oidnojitgo du suohkuin johkaleagit, ebmos duottarduovdagat dahje juoga dovddus báiki? Čábbájitgo du suohkut skápma, guovssahasaid, ruškki dahje vaikke ijahis ija ivnniin?
Oassálastinrávvagat
Pláne ja gođe Ohcejohka-ullosuohkuid. Mii sávvat, ahte don plánet suohku, mii lea vuogas ollesolbmo juolgái, ja man heive gođđit man beare sturrosaš juolgái. Oaččut geavahit teknihkaid iežat miela mielde. Gilvosuohkku galgá leat dakkár, man gođđi lea plánen ieš ja mii ii leat ovdal gostege almmustahtton. Gilvu lea rabas buohkaide.
Suohkuid gođedettiin čále bargorávvaga (ráva čuovusin). Vuoitosuohkuid čálalaš ráva almmustahtto nuvttá rávan Ohcejoga gieldda siidduin ja sosiála media kanálain. Ohcejoga gielda oažžu geavahit rávvagiid ullosuohkuid háhkamii fitnodatskeaŋkan sierra liseansamávssu haga. Suohkkomálle vuoigatvuođat bissot plánejeaddjis. Mii eaktudit, ahte plánejeaddjis lea máhttu ordnet liseanssa vuovdima báikkálaš gávppálaš ulbmila várás dahje hállu vuovdit vuoigatvuođaid Ohcejoga gildii suohkkomálle gávppálaš geavaheami várás.
Gilvui oassálastima mielde dohkkeha dáid eavttuid.
Gilvvu ordnejeaddji doalaha alddis vuoigatvuođaid dárkkálmuhttit gilvorávvagiid.
Gilvu nohká 10.4.2024.
Sádde dahje buvtte gárvves suohkuid ja bargorávvaga ja lassin iežat nama, čujuhusa ja telefonnummira čujuhussii
Uksačujuhus: Ohcejoga gielda/Eallinfápmodoaibmasuorgi, Luossa 1a, 99980 Ohcejohka
Boastačujuhus: Ohcejoga gielda/Eallinfápmodoaibmasuorgi, Luossa 1a, 99980 Ohcejohka
Vuoitosuohkuid vállje ráđđi álbmotjienasteami jiellatsuohkuid joavkkus.
Buot eará suohkut, earret vuoitosuohkut máhcahuvvojit. Vuoitosuohkut báhcet gieldda opmodahkan. Vuoitosuohkuin ja daid riegádeamis čállojuvvo ášši Ohcejoga gieldda siidduide ja sosiála mediai. Gilvui oassálastima mielde oassálasti mieđiha ordnejeaddjái vuoigatvuođa almmustahttit namas ordnejeaddji kanálain sierra miehtama dahje buhtadusa haga.
Bálkkašupmi
Vuoitái geigejuvvojit 200 euro ja 200 euro skeaŋkagoarta Ohcejoga gieldda turistafitnodahkii, man vuoiti oažžu ieš válljet.
Gilvvu ordne Ohcejoga gielda.
Lassedieđut: Prošeaktakoordináhtor Riikka Keskiaho, 040 544 2058, riikka.keskiaho@utsjoki.fi
Oažžu juohkit!
