Ohcejoga miellagovvajearahallan: lagabui 500 vástideaddji – eanáš olbmuid miellagovva positiivvalaš

24.5.2023

Utsjoen mielikuvakysely: lähes 500 vastaajaa - enemmistön mielikuva positiivinen

 

Golggotmánus  2022 ollašuhtton Ohcejoga miellagovvajearahallamii oaččuimet duođai valjis, 494 vástádusa. Turisttat ledje viššalamos jearahallamii vástideaddjit (41 %), čuovvovaš eanemusat vástádusaid oaččuimet gieldalaččain (21 %). Miellagovaideaset birra muitalan olbmuid joavkkus ledje maid earet eará ovddeš gieldalaččat ja bartalaččat ja maid olbmot, geain oahpis dahje fuolki orru Ohcejogas.

Buot vástideaddjiin oktiibuot 62 % almmuhii leat iežas oppalaš miellagova Ohcejogas viehka dahje hui positiivvalaš.  Buot positiivvalamos miellagovat ledje turisttain, geain joba 73 % muitalii iežas miellagova leat viehka dahje hui positiivvalaš. Gieldalaččain dát seamma lohku lei 43 %.

Positiivvalaš miellagovvii váikkuhedje earet eará čáppa ja áidnalunddot luondu, fiinna oidnosat ja Deatnu, ráfálaš ja oadjudeaddji vuoigŋa, buorit vuođđobálvalusat ja maiddái ustitlaš ja árvvas báikkálaš olbmot.

Jearahallamii vástideaddjiid mielas Ohcejohka lea earalágan nuppiid Lappi gielddaid ektui erenoamážit dáid iešvuođaid geažil:

  • Norga ja Jiekŋamearra lahka
  • Ráfálašvuohta, jaskatvuohta, čuovganuoskkehis guovllut
  • Árktalaš duottarluondu
  • Ealli sámekultuvra
  • Dovdameahttun ja gáiddus

Ohcejogas leat nappo čielga sierraiešvuođat, muhto guovllu dovddusvuođa hárrái lea velá buoridan munni. Máŋgasa dáin sierraiešvuođain olbmot oidne maid seammás Ohcejoga geasuhanfápmodahkkin. Vástideaddjiid mielas Ohcejoga dehalamos geasuhanfápmodahkkit leat:

  • Buhtes luondu
  • Norga lahka
  • Ráfálašvuohta ja oadjebasvuohta
  • Eallámušaid vásiheapmi
  • Ealli sámekultuvra

Máŋgasat dáin vedjet leat báikkálaš  olbmuide diehttelas áššit, muhto dán áigge máilmmis oadjebas, ráfálaš ja buhtes biras sáhttá leat hui mávssolaš kritera luopmomátki báikki, dahje vaikkoba ođđa orrunbáikki válljedettiin. Ohcejoga ánsun ja erohussan nuppiid báikkiid ektui lea dan ealli sámekultuvra, ja dat lea maid dehalaš geasuhan- ja bisuhanfápmodahkki.

Vástideaddjiin jerrui maid, man sihkkarit sii ávžžuhivčče Ohcejoga orrunbáikin ja mátkkoštanbáikin. Ohcejoga ávžžuhit orrunbáikin eandalii daidda, geat atnet árvvus ráfálaš eallima ja olgoaktivitehtaid. Daidda, geat atnet árvvus ahte gávpogat leat lahka ja bálvalusat leat valjis, Ohcejohka ii vealtameahttumit leat heivvolamos válljejupmi.  Mátkkoštanbáikin Ohcejoga ávžžuhit buohkaide, geat liikojit buhtes luonddus, ráfálaš vuoiŋŋas, ja háliidit vásihit Lappi nuppelágan beali

Sáhtát oahpásmuvvat miellagovvajearahallama raportii dáppe.

 

Ohcejoga miellagovvajearahallan lei oassi jahkemolsašumi 2022-2023 áigge ollašuhtton Boahttevuohtaforuma. Miellagovvajearahallan lei anonyma fierbmejearahallan ja dat almmustahttui gieldda neahttasiidduin 20. – 31.10.2022, ja juhkkojuvvui Facebook ja maiddái gieldda kanálaid ja eará joavkkuid bokte.

Boahttevuohtaforum ollisvuhtii gulle maid oasálašvuođaovddidandilálašvuođat, mas čokkiimet  gieldalaččaid, nuoraid, boarrásiid- ja lápmásiidráđi, ealáhusdoalliid, gieldda virgeoapmahaččaid ja gielddaáirasiid oainnuid boahttevuođa Ohcejoga birra. Jearahallamis ja oasálašvuođaovddidandilálašvuođain čoaggán dieđuid leat geavahan ávkin Ohcejoga ođđa boahttevuođagova hábmemis ja, earet eará gielddastrategiija ođasmahttimis.

Boahttevuohtaforuma ollašuhtii Ohcejoga ráhkadusnuppástusa koordinašuvdna -projeakta, man ruhtada Lappi lihttu (Lapin liitto). Sáhtát lohkat projeavttas lasi dáppe


Eará ođđasat