Boađe buresveadjinhoavdan Ohcejohkii!
2.2.2024
Ohcejoga gieldda buresveadjinhoavda sirdásii gieldda siste ođđa bargguide. Danin ohcat mii gildii ođđa buresveadjinhoavdda jođihit gieldda čuvgehusdoaibmasuorggi sihke ovddidit gieldda ja gielddaolbmuid buresveadjima.
Ohcejohka lea Suoma ja Eurohpa uniovnna davimus gielda, gos leat sullii 1200 ássi. Ohcejohka lea dovddus fiinna luonddustis ja ealli sámekultuvrrastis. Gieldda golmma giliguovddážis leat ođđa, dearvvas skuvla-máŋggadoaimmadálut sihke geasuheaddji sámelogahat.
Buresveadjinhoavdan don jođihat gieldda čuvgehusdoaibmasuorggi sihke buresveadjima ja dearvvasvuođa ovddidanbarggu. Don vástidat maid bargoveaga ja bargoburesveadjima ovddideamis gielddahoavdda bargopárran. Buresveadjinhoavda doaibmá čuvgehusdoaibmasuorggi hálddahushoavdan, čuvgehuslávdegotti áššemeannudeaddjin ja son lea gieldda stivrenjoavkku lahttu.
Ohcejoga čuvgehusdoaibmasuorgái gullet oahpahusdoaibma, árrabajásgeassin ja asttuáiggedoaibma (kultuvra, lihkadeapmi ja nuoraidbargu sihke rávesolbmuidskuvla). Doaibmasuorgi vástida maid gieldda dearvvasvuođa ja buresveadjima ovddidanbarggus.
Mii gáibidat buresveadjinhoavddas bajit allaskuvladutkosa, jođihanhárjánumi, čuvgehus- dahje buresveadjindoaibmasuorggi dovdamuša sihke doarvái buori gielddahálddahusa ja ekonomiija dovdamuša. Atnit dehálažžan ovttasbarganmáhtu, buriid vuorrováikkuhandáidduid sihke višuvnnalašvuođa bargoveaga ovddidanbarggus. Sámegiela máhttu ja sámekultuvrra dovdamuš gehččojuvvo ohccái erenomáš ánsun.
Virgi devdojuvvo 1.5.2024 rájes dahje soahpamuša mielde. Virgái heivehuvvo guđa mánotbaji geahččalanáigi. Olmmoš, guhte virgái válljejuvvo, galgá ovdal virggi vuostáváldima ovdanbuktit dohkkehahtti doaktárduođaštusa dearvvasvuođadilistis sihke dutkkusduođaštusaid.
Ohcamušaid ovttas bálkásávaldagain bivdit doaimmahit bearjadaga 1.3.2024 dmu 15 rádjai https://www.kuntarekry.fi bokte.
Jos ohcamuša ii leat vejolaš doaimmahit elektrihkalaččat Kuntarekry bokte, de ohcamuša čuvvosiiguin sáhttá doaimmahit maid čujuhusain: Utsjoen kunta, PL 41, 99981 Utsjoki. Konfaluhttii merken ”hyvinvointijohtaja”. Ohcamušáššegirjjit eai máhcahuvvo.
Ohcciid namat leat almmolaččat.
Lassedieđuid addá:
gielddahoavda Päivi Kontio
040 744 7630
paivi.kontio@utsjoki.fi