Ohcejoga jagi 2022 ruhtadoalloloahpaheapmi lei badjel 300 000 euro badjebázat

Ohcejoga gieldda jagi 2022 ruhtadoallobaji badjebáza lei sullii 314 000 euro. Álgoálgosaš bušeahtas lei árvvoštallon, ahte badjebáza čoggošii sullii 28 000 euro.

Ohcejoga gielda oaččui mannan jagi stáhtaossodagaid sullii 700 000 euro eanet go lei árvaluvvon, badjelaš 8 miljon euro. Vearroboađut čoggojedje buot buohkanassii 5 miljon euro ovddas.

Ohcejoga gielda loktii investeremiid váras guhkesáiggeloana miljon euro ja maiddái oanidii guhkesáiggeloanaid badjelaš miljon euroin. Gieldda loatnavuođđu jagi 2022 loahpas lei sullii 11 miljon euro.

Ohcejoga gieldda ássiidlohku lassánii njeljiin olbmuin (0,34 %), nu ahte olmmošlohku lei jagi 2022 loahpas 1180 olbmo.

Gielddaráđđehus dohkkehii ruhtadoalloloahpaheami čoahkkimisttis duorastaga 27.4. Ruhtadoalloloahpaheapmi ovdána váldostivrra gieđahallamii geassemánus.

oahpásmuva jagi 2022 ruhtadoalloloahpaheapmái

Ohcejoga gieldda jagi 2022 ruhtadoalloloahpaheami sáhttá lohkat dákko (suomagillii). Sámegiel ruhtadoalloloahpaheapmi almmustahtto beavdegirjji jorgalusa gárváneami maŋŋá dáppe.

čoahkkinbeavdegirji lohkanláhkai

Sáhtát oahpásmuvvat gielddaráđđehusa čoahkkinbeavdegirjái dákko (suomagillii). Sámegiel beavdegirji almmustahtto jorgalusa gárváneami maŋŋá dáppe.