Oulu bismagotte bisma Jukka Keskitalo: Dearvvahus Ohcejoga gieldda 150-jagi ávvudoaluin
19.11.2026

Govva: Pekka Mustakallio
Sávan liegga lihkusávaladagaid sihke iehčan ja Oulu bismagotti beales Ohcejoga gildii dan ávvudettiin 150-jagi ávvudemiid!
Searvegottit ja gielddat juogadit Suomas oktasaš historjjá. Jagi 1865 gielddaásahus mearridii, ahte Suomas dálonguovlluid girkosuohkaniid ovddasvástádussii gullevaš eatnanlaš áššit sirdojuvvojit dálongielddat doaibman ja vuoiŋŋalaš áššit luterálaš searvegottiid ovddasvástádussan. Čuovvovaš logi jagi áigge gielddaásahusa ollašuhtte sierra guovlluin Suomas. Nuba Ohcejoga gielda álggahii doaimmas 1876.
Vaikke gieldda ja searvegottiid doaimmaid ná hálddahuslaččat earuhedjege, lea gieldda ja searvegotte nana ovttasbargu seilon dáid beivviid rádjai. Gielda ja searvegoddi bálvalit seamma olbmuid ja ná doarjuba nuppiideaskka. Dát oidno earenomáš bures Ohcejogas, gos searvegoddi ja gielda doaibmaba ovttas gieldda ássiid buorrin.
Suoma davimus gielda, Ohcejohka, lea áidnalunddot rikkis, guokte giela ja kultuvrra ellet lávgalagaid. Ohcejoga gielda lea okta oassi Sámi ruovttuguollus. Sámekultuvra ja sámegiella gullet gieldda árgabeaivái. Ohcejoga luondu, Deanu leagi ja duoddariid fiinna duovdagat olbmuide guđđet luodda, mii ii jávka goassige.
Hálihan sávvat lihkku Ohcejoga gildii Biibbalsálmma sániin: ” Dát lea dat beaivi maid Hearrá lea dahkan, ávvudehkot ja illudehkot! (Sá. 118:24) Sávan buressivdnádusa buohkaide gieldda ássiide, luohttámušolbmuide ja virgeolbmuide, geat guddet ovddasvástádusa.
Jukka Keskitalo
Oulu bismagotte bisma