Linnjabiillain beassá vuot 13.3. rájes ovtta beaivvi áigge Roavvenjárggas Ohcejohkii – EJB-guovddáš ja Ohcejoga gielda ráđđádallanbohtosii Avvil-Ohcejohka Jbusse áigetávvaliin
22.2.2023
Linnjabiillain beassá vuot vuossárgga 13.3.2023 rájes ovtta beaivvi áigge Roavvenjárggas Ohcejohkii ja Njuorggámii.
Dán jagi álggu rájes márkaniid mielde doaibmi OnniBussi áigetávvalat nuppástuvve nu, ahte mátkkošteaddjit eai šat beassan Roavvenjárggas Ohcejoga girkosiidii ja Njuorggámii ovtta beaivvi áigge. Dehálaš mátkejohtolaga boatkaneapmi leamašan Ohcejohkii hástaleaddji, daningo dat lea dagahan váttisvuođaid sihke almmolaš johtolaga geavaheaddji olbmuide ja jándora maŋŋoneami Matkahuolto pakeahttabálvalusaide.
Ohcejoga gielda lea ráđđádallan EJB-guovddážiin áigetávvalnuppástusain. Jbusse vuorru Avvilis Njuorggámii lea EJB-guovddáža ordnen almmolaš johtolat, man áigetávvaliin lea vejolaš ráđđádallat. Čoavddusin gávdnui Ohcejohnjálmmi skuvlla ja sámelogahaga skuvlabeaivvi álggahanáiggi maŋideapmi nu, ahte sihke skuvlasáhtut Jbusse fárus Njuorggámii ja mátkkošteapmi ovtta beaivve áigge Roavvenjárggas Ohcejohkii ja Njuorggámii ollašuvvet.
Gielda jearai skuvlla álgimis, nohkamis ja skuvlabeaivvi ortnegis sihke oahpaheddjiid, logahaga oahppiid ja fuolaheddjiid oaiviliid. Oahpaheaddjit ja stuorámus oassi logahaga oahppiin ja fuolaheddjiin guottihedje molssaeavttu, man mielde skuvla álggášii dmu 9.00. Njuorggámis johtti oahppiid fuolaheaddjit guottihedje molssaeavttu, mas skuvla livččii álgán dmu 9.15.
Gielda mearridii evttohit EJB-guovddážii áigetávvalnuppástusa nu, ahte Jbus boahtá iđđes Njuorggámis Ohcejohkii dmu 9.00. Áigetávvalnuppástus heivii sihke EJB-guovddážii ja Jbussii. Áigetávvalnuppástus boahtá fápmui vuossárgga 13.3.2023.
Ođđa áigetávval vástida buot guovddáš johtolatdárbbuide: Idjatogas Ohcejohkii beassan ovtta beaivvi áigge, Roavvenjárggas Ohcejohkii linnjabiillain beassan ovtta beaivvi áigge, ovdan-ruoktot linnjabiilavuorru Avvila girdingietti ja Ohcejoga gaskkas, ja Ohcejoga siskkáldas skuvlasáhtut.
Jbus áigetávvalat dál ja 13.3. rájes
| IĐIT | Dál | 13.3. rájes |
| Njuorggán | 7.40 | 8.10 |
| Ohcejohka | 8.30 | 9.00 |
| Ohcejohka | 9.40 | 9.40 |
| Avvil | 12.20 | 12.20 |
| Girdingieddi | Fitnan čáhkaduvvon áigetávvalii | Fitnan čáhkaduvvon áigetávvalii |
| EAHKETBEAIVI | Dál | 13.3. rájes |
| Girdingieddi | Fitnan čáhkaduvvon áigetávvalii | Fitnan čáhkaduvvon áigetávvalii |
| Avvil | 12.55 | 13.30 |
| Ohcejohka | 15.00 | 15.45 |
| Ohcejohka | 15.05 | 15.50 |
| Njuorggán | 15.45 | 16.40 |
Lassedieđut:
Tanja Lepistö
Eallinfápmohoavda
Ohcejoga gielda
0400 151 294
tanja.lepisto@utsjoki.fi
Kaisa Tapiola-Länsman
Vd. Čuvgehushoavda-rektor
Ohcejoga gielda
040 744 7630
kaisa.tapiola-lansman@utsjoki.fi