Gr 8.9.2026 Ohcejoga gielddaráđđehusa listtu áššit leat heađuštanalmmuhusain bušeahttarápmii

3.9.2026

Ohcejoga gielddaráđđehus čoahkkana 8.9. ja gieđahallá guhkes listtu áššiid. Čoahkkimis gieđahallojit gielddahoavddas ja buresveadjinjođiheaddjis dahkkojuvvon heađuštanalmmuhusat. Gielddaráđđehus ásahii miessemánus bargojoavkku čielggadit heađuštanalmmuhusaid, ja čielggadanbargojoavku lea ožžon barggus gárvvisin. Mearrádusevttohusas gávnnahuvvo, ahte oažžumis leahkki čilgehusa vuođul ii leat čájehuvvon, ahte gielddahoavdda dahje buresveadjinjođiheaddji meannudeapmi lea leamašan bargodorvvolašvuođalágas máinnašuvvon heađušteapmi dahje eará eahpeáššálaš láhtten. Bargojoavku lea addán ovddidanrávvagiid gieldda skuvllaid doaimma ja bargoservošiid ovddideami várás.

Gielddaáirras ja dárkkistanlávdegotti ságadoalli Veikko Porsanger lea almmuhan, ahte son luohpá gieldda luohttámušdoaimmain. Su sadjái váldostivrii boahtá Mika Koskenniemi. Mearrádusevttohusa mielde gielddaráđđehus evttoha váldostivrii, ahte dat vállje ođđa ságajođiheaddji dárkkistanlávdegoddái.

Ohcejoga gielda ohcá árvvoštallanvuloš stáhtaossodaga bajádusa jahkái 2026. Doaibmasurggiid bušeahttarápma jahkái 2027 lea ráhkaduvvon ja dat ovdanbuktojuvvo čoahkkimis.

Čoahkkima áššelistu (pdf)

Lassedieđut

Gielddaráđđehusa ságadoalli
Vuokko Tieva-Niittyvuopio
0400 933 754
vuokko.tieva-niittyvuopio@utsjoki.fi

Gielddahoavda
Päivi Kontio
040 744 7630
paivi.kontio@utsjoki.fi

Ruovttoluotta