Ohcejoga gielddahoavdda virgái 32 ohcci – lassin okta olmmoš miehtan virgái
29.9.2023
Ohcejoga gielddahoavdda virggi ohcet 32 olbmo. Dasa lassin okta olmmoš lea addán iežas miehtama virgái. Ohcanáigi nogai bearjadaga 29. beaivve čakčamánu.
Jearaldagas lea gielddahoavdda virggi nubbi ohcangeardi. Ohcejoga gielddaráđđehus mearridii čoahkkimisttis 9. beaivve borgemánu joatkit virggi ohcanáiggi, daningo oassi ohcciin ii deavdán virggis gáibiduvvon gelbbolašvuođaeavttuid.
Maiddái árat sáddejuvvon ohcamušat váldojuvvojit vuhtii virggi deavdimis. Vuosttas, 3. beaivve borgemánu nohkan ohcanáiggi siste gielddahoavdda virggi ohce Jenni Eronen (inšenevra bajit ámmátallaskuvladutkkus, Naantali), Ari Hietanen (filosofiija doavttir, vuoigatvuođadiehtagiid magisttar, Lieto), Kari Jalkanen (vuovdedoalloinšenevra ámmátallaskuvladutkkus, Joensuu), Iiro Järveläinen (buvttadanekonomiija diploma-inšenevra, Vuorela), Riku Marttinen (tradenoma, Hollola), Jimi Pallari (logahatoahppi, Roavvenjárga), Joni Putkinen (servodatdiehtagiid magisttar, lihkadandiehtagiid magisttar, Ilomantsi), Hanna-Leena Salmikivi (filosofiija magisttar, Tampere) ja Mikko Törmä (gávppi, ekonomiija ja servodatdiehtagiid bajit ámmátallaskuvladutkkus, Parkano).
Nuppi ohcanáiggis virgái ohce Elmeri Airikka (árrabajásgeassima magisttar, Tuusula), Petri Aspergren (dearvvasvuođadiehtagiid magisttar, Oulu), Jarkko Autero (filosofiija magisttar, Espoo), Mimosa Blomqvist (humanisttalaš diehtagiid kandidáhta, hábmejeaddji bajit ámmátallaskuvladutkkus, Helsset), Kristophter Brunila (bajásgeassindiehtagiid magisttar, Helsset), Ilpo Hanhinen (gávpediehtagiid magisttar, Naantali), Samuli Hast (tradenoma, Kirkkonummi), Pekka-Tapani Heikkinen (bajásgeassindiehtagiid magisttar, Soađegilli), Eini Holma (fitnodatdoalli ámmátdutkkus, Avvil), Esa-Pekka Horttanainen (teknihkka- ja johtolatsuorggi diploma-inšenevra, gávpediehtagiid magisttar, Helsset), Sami Jalonen (soahtediehtagiid magisttar ja ovdaoffiseara, Kustavi), Arto Keränen (dállohuksejeaddji vuođđodutkkus, Ilmajoki), Siiri-Sofia Korhonen (gávpediehtagiid magisttar, Vantaa), Juhani Lehtonen (gávpediehtagiid magisttar, Vantaa), Antti Markkanen (mášen- ja buvttadanteknihka vuođđodutkkus, nuoraid- ja asttuáiggibagadalli, Savonlinna), Marita Niemelä (gávpediehtagiid magisttar, Vaasa), Alex Puumalainen (fievroinstallerejeaddji, Njuorggán), Mirella Ronkainen (gávpediehtagiid magisttar, Ohcejohka), Ilkka Saari (mášen diploma-inšenevra, Pori), Jouni-Henrik Tieman (boazodoalli, Orimattila) ja Robert Willadsen (servodatdiehtagiid magisttar, Helsset).
Guokte ohcci ja miehtama addán olmmoš eai hálit namaset almmolašvuhtii.
Ohcejoga gielddaráđđehus čoahkkana gieđahallat gielddahoavdda ohcama golggotmánu 9. beaivve.
Divvojuvvon: Ohcci Robert Willadsen lea servodatdiehtagiid magisttar, ii “servodatdiehtagiid magisttar, stáhtadiehtagiid doavttir, “, dego dieđáhusas árat logai boastut.