Gielddaráđđehus mearridii joatkit gielddahoavdda virggi ohcanáiggi 29.9. rádjai
9.8.2023
Ohcejoga gielddaráđđehus mearridii otná 9.8. čoahkkimisttis joatkit gielddahoavdda virggi ohcanáiggi 29.9. rádjai.
Gielddahoavdda virgái bohte mearreáiggis logi ohcamuša. Gielddaráđđehus gieđahalai čoahkkimisttis ohcanáššegirjjiid ja gávnnahii, ahte oassi ohcciin ii deavdde virggis gáibiduvvon gelbbolašvuođaeavttuid. Čoahkkin mearridii ovttamielalaččat joatkit virggi ohcanáiggi. Árat ohccit váldojuvvojit vuhtii ođđa ohcanproseassas.
Gielddaráđđehus gieđahalai maiddái earret eará váldostivraálgaga Pride-levgemis. Váldostivrra čoahkkimis geassemánus áirras Anni Ahlakorpi luobahii ságadoallái njealji áirasa vuolláičállin váldostivraálgaga jahkásaš Pride-levgemii oassálastimis. Gielddaráđđehusa lahttu Aslak Holmberg evttohii čoahkkimis váldostivraálgaga dohkkeheami. Holmberg evttohus ii ožžon doarjaga ja dan dihtii čoahkkin mearridii, ahte váldostivraálgga ii ovdán.
loga čoahkkinbeavdegirjji
Sáhtát lohkat gielddaráđđehusa čoahkkima beavdegirjji dákko (suomagillii). Sámegiel beavdegirji almmustahtto jorgaleami maŋŋá dáppe.