Buresboahtin nuoraid sámegielat geasseleirii oahppat árbevirolaš bivdodáidduid ja ealligovaid dahkama! Almmut maŋimustá 15.6!
6.6.2022
Govva: Antero Isola
Sámi kulturárbbi nannen Deanuleagis -prošeakta ordne ovttas Deanuleagis sámástit -prošeavttain (Interreg Davvi 2020–2022) ja gieldda asttuáigedoaimmain nuoraide sámegielat geasseleairra Ohcejogas!
Nuoraid guolástan- ja medialeaira lágiduvvo Ohcejohnjálmmis vuossárggas bearjadahkii 4.–8.7. beaivválaččat dmu 10–17. Leaira lea oaivvilduvvon 12–18-jahkásaš Ohcejoga gieldda nuoraide. Leairras nuorat besset oahpahallat ja geahččalit muhtin árbevirolaš bivdovugiid ja eará guollebivdui ja fanasdáidduide laktáseaddji doaimmaid. Dasa lassin nuorat ieža govvejit oanehut ja guhkit filmmaid dáin doaimmain. Bagadallin leairras leat báikkálaš árbediehttit ja filbmabarggu áššedovdit, ee. Niki Rasmus ja Sakari Syvänperä.
Leairras govvet filmmaid ja editeret daid ámmátrusttegiiguin, sáimmastallat, šlivgut gáttis, čollet ja sáltet guliid, goargŋut, oahppat lohkat čázi, oahppat čázis gádjundáidduid, suohtastallat ja smiehttat, čáhkágo dát visot ovtta tiktokii!
Leairra váldogiella lea davvisámegiella. Leaira lágiduvvo Ohcejohnjálmmis ja mii ordnet dohko nuoraide sáhtuid Njuorggámis, Gáregasnjárggas ja Ohcejohsiste. Leairras fállojuvvo beaivválaččat borramuš ja mii sáhttit veahkehit idjadansaji gávdnamis. Leaira lea oassálastiide nuvttá. Dárkilut prográmma almmustahtto lagabuš leairra.
Almmut iežat maŋimustá gaskavahku 15.6.2022 šleađgapoasttain anni.ahlakorpi@utsjoki. Leirii čáhket 10 nuora ja báikkit devdojuvvojit almmuhanortnegis, nappo leage jođán!
Lassedieđut:
(fáhtemis 8.6. rájes)
Prošeaktabargi Anni Ahlakorpi
Sámi kulturárbbi nannen Deanuleagis
040 571 9269
anni.ahlakorpi@utsjoki.fi
