Ohcejoga gieldakonseartna vuollefitnodagat
Ohcejoga gieldakonseartnas doibmet guokte vuollefitnodaga.
Ringinvatro Kiinteistö Oy
Ringinvatro Kiinteistö Oy lea vuođđuduvvon jagis 1985 ja dan doaibmasuorgin lea giddodathálddahus. Fitnodat oamasta, hálddaša ja láigoha giddodagaid. Fitnodagas leat láigohanláhkai 96 lanjadaga iešguđet giliin.
Giddodatoasussearvvi gávpejohtu lei jagi 2025 ruhtadoalloloahpaheami mielde 696 000 euro ja ruhtadoallobaji boađus 10 000 euro. Fitnodatvuoitoproseanta lei 6,3 %.
Fitnodatjođiheaddji lea Mika Aikio ja stivrra ságadoalli lea Mika Koskenniemi.
Kiinteistö Oy Utsjoen Virastotalo
Kiinteistö Oy Utsjoen Virastotalo lea vuođđuduvvon jagis 1984. Fitnodaga doaibmasuorgi lea giddodathálddahus ja dat hálddaša Ohcejoga virgedálu doaibmasajiid. Fitnodat vuođđuduvvui virgedálu huksema oktavuođas, ja dan vuođđudeaddjiosolaččat ledje Suoma stáhta (huksenráđđehus), Ohcejoga gielda ja Pohjolan Osuuspankki. Lanjadagaid ollesviidodat lea measta 1100 njealjehasmehtera.
Giddodatoasussearvvi gávpejohtu lei jagi 2025 ruhtadoalloloahpaheami mielde 133 000 euro ja ruhtadoallobaji boađus 2000 euro. Fitnodatvuoitoproseanta lei 4,9.
Fitnodatjođiheaddji lea Heidi Keskitalo ja stivrra ságadoalli Ilmari Tapiola.