Diehtu Ohcejoga birra

Ohcejohka lea Lappi leanas ja lea Suoma davimus gielda. Gielddas ásset 1215 olbmo ja dan viidodat lea 5370,5 km2, mas 202,93 km2 leat čázádagat

Gieldadieđut

Gieldda gilit leat kirkosiida, Gáregasnjárga ja Njuorggán. Ássan lea čohkiidan eanaš Suoma ja Norgga gaskasaš rádjajoga, Deanu (Deatnu ~ stuorra johka) gáttiide. Ohcejohka lea Suoma áidna gielda, gos lea sámegielat eanetlohku. Ohcejoga gieldda ránnjágielddat leat Anár sihke Norgga bealde Kárášjohka, Deatnu ja Unjárga.

Deanu ja dan oalgejogaid gáttiin lea ássojuvvon jo duháhiid jagiid. Ohcejoga gieldda siste leat máŋggat geađgeáiggi orrunbáikkit. Eai dieđe sihkkarit, geat geađgeáiggi máttarváhnemat ledje ja mii lea sin gaskavuohta dálá ássiide – sis leat goittotge báhcán geađgebiergasat ja daid ráhkadeamis šaddan časkasat sihke vejolaččat loatnasánit sámegillii.

Sámit ledje guhkká guovllu áidna ássit. Dán háve Ohcejoga gieldda ássiin birrasii bealli hállá sámegiela eatnigiellan.

Iehčanas gieldan Ohcejohka vođđuduvvui jagi 1876. Guollebivdu, boazodoallu ja šibitdoallu sihke meahccebivdu ja murjen dorvvastedje birgenláji dalá ohcejohkalaččaide. Dán háve Ohcejoga bargosajiin leat álgobuvttadeamis juohke logát, priváhta dahje almmolaš bálvalusaid biires leat golbma bargosaji njealljásis.

Ohcejohka lohkun

Vuođđudanjahki: 1876
Vearroproseanta 2020: 21
Ássiidlohku 31.12.2019: 1215
Viidodat: 5370 km²
Ássi/km²: 0,23

Mátkkegaskkat:

Helssegii 1267 km
Avvilii 164 km
Roavvenjárgii 453 km
Soađegillái 325 km
Turkui 1280 km
Tamperei 1136 km

(Gáldu: Tiehallinto, beaiváduvvon 31.9.2018.)

OHCEJOGA GIELDA

Oktavuođadieđut
T. 040 188 6111
Telefonguovddáš lea rabas 9-11 ja 12-15

Fitnančujuhus:
Ohcejoga gielda, Luossa 1a, 99980 Ohcejohka.

Poastačujuhus:
Ohcejoga gielda, PL 41, 99981 Utsjoki.

Rabas
Gielddadoaimmahat lea rabas 9-15.