Mielladearvvasvuođa- ja gárrenávnnasbálvalusat

Mielladearvvasvuođa- ja gárrenávnnasbálvalusat veahkehit du dahje du lagaža gárrenávnnahisvuođa ja mielladearvvasvuođa ovddideamis. Ulbmilin lea addit rávvagiid ja doarjaga gárrenávnnas- ja mielladearvvasvuođaváttisvuođain.

PSYKIÁTRALAŠ RABASDIKŠU

Psykiátralaš buohccedikšára vuostáváldimii beassá doaktára sáddenbáhpára haga.

Psykiatrista fitná juohke nuppi mánotbaji ja juohke nuppi geardde Gáregasnjárggas. Psykiatristta vuostáváldimii beassá psykiátralaš buohccedikšu bokte.

 

GÁRREJEADDJIIDFUOLAHUS

Gárrejeaddjiidfuolahusa bálvalusat addojit olbmuide, geain leat gárrenávdnasiid geavaheapmái laktáseaddji váttisvuođat. Bálvalusat addojit maiddái gárrenávdnasiid  boasttogeavaheaddji bearrašii ja lagažiidda.

Gárrenávdnasiid eastadanbargu sisttisdoallá bagadallama ja rávvema sihke persovnnalaš bálvalanollisvuođa gárrenávnnahisvuođa doarjumii.

  • persovnnalaš deaivvadeamit
  • dikšundárbbu árvvoštallan
  • áššehasa movttiidahttin dikšui
  • dárbbu mielde lágádusveajuiduhttinbáiki ja máksinordnestallamat (dikšunbáikki, dárbbu mielde áigáiboahtindoarjja ja oastobálvalussoahpamušat)
  • joatkkadivššu plánen ja lágideapmi, veajuiduhttinplána
  • oapmahaččaid doarjja

 

Gárrenávdnasiidda laktáseaddji divššu, doarjaga, bagadeami ja rávvema addá sosiálajođiheaddji. Sáhtát leat oktavuođas maiddái gieldda eará sosiála- ja dearvvasvuođadoaimma bargiide.

Jos dárbbašat akuhtta veahki gárrenávdnasiid geavaheami heaitimis, sáhtát ohcalit botkehandikšui. Botkehandikšu addo alkohola geavaheaddjái eanáš dearvvasvuođaguovddážis ja narkotihkaid geavaheaddjái Lappi gárrenávnnasklinihkas (Lapin päihdeklinikka ) Roavvenjárggas. Botkehandivššuide dárbbašat álo doaktára sáddenbáhpára.

 

Váldde roahkkadit oktavuođa, jos leat fuolas iežat dahje lagaža gárrenávdnasiid geavaheamis. Guorahallat ovttas du dili ja dan mo berre ovdánit áššis. Dehalaš lea, ahte it báze okto.

 

 

LIŊKKAT

www.paihdelinkki.fi
www.ehyt.fi
www.romppu.fi (vuollái 25 jahkásaš nuoraide ja sin lágažiidda)
http://www.lapinpaihdepalvelut.fi/
https://sekasin247.fi/ (chat 10-29 jahkásaččaide)

 

VEAHKEHEADDJI TELEFOVNNAT

Riikkaviidosaš gárrenávnnasrávven birra jándora t. 0800 900 45

  • Nuvttá ja anonyma. Bálvalusa buvttada Ehyt ry.

AA veahkeheaddji telefovdna gárrenávdnasiid geavaheaddjiide t. 09 750 200

  • Bálvala dmu 9−21.

Irti huumeista ry:a veahkeheaddji telefovdna addá doarjaga, veahki ja dieđu nummiris 0800 98 066

  • Narkotihkaid  geavaheaddjiide ja sin lagažiidda
  • Árgabeivviid 9-15 ja 18-21 (ii be-eahkedat)
  • Bálvalus lea nuvttá

Nollalinjá lea veahkeheaddji telefonnummiris 080 005 005

  • Lagašgaskavuođaveahkaválddi dahje nissoniidda čuohcci veahkaválddi vásihan olbmuide
  • Maiddái daidda olbmuide geat leat áitaga vásihan sihke lagažiidda ja ámmátolbmuide
  • Veahkki suoma-, ruoŧa- ja eaŋgalsgillii
  • Riikkaviidosaš, nuvttá, rabas 24/7
  • Bálvalusa buvttada Setlementti Tampere

Riikkaviidosaš mielladearvvasvuođarávven, t. 0203 91920,

  • Veajuiduhttirávvejeaddjit vástidit vu, maŋ, du, be dmu 9-14 ja ga dmu 9-16.
  • Nuvttá veardásašdoarjjatelefovdna t. 0800 177599
  • Vásáhusáššedovdit vástidit vu-be dmu 10-15
  • Bálvalusa buvttada Mielladearvvasvuođa guovddášlihttu (Mielenterveyden keskusliitto).

Vealgelinjá ja chat-bálvalus, t. 0800 98009

  • Árgabeivviid dmu 10-14 (nuvttá)
  • Bálvalusa buvttada Dáhkádusvuođđudus (Takuusäätiö)

OKTAVUOĐADIEĐUT

Psykiátralaš buohccedikšu

tel. 040 749 4216

 

Jonna Lähteenmäki

Sosiálajođiheaddji
tel. 040 676 5004
šleađgaboasta:
jonna.lahteenmaki@utsjoki.fi