Pasientaáššeolmmoš

Pasientaáššeolbmo bargun lea rávvet ja veahkehit áššiin, mat laktásit pasientta vuoigatvuođaide. Lappi buohccedikšunbiire pasientaáššeolmmoš doaibmá maiddái Anára, Ohcejoga, Gihttela, Kolari, Pello ja Muoná-Eanodaga vuođđodearvvasvuođafuolahusa pasientaáššeolmmožin.

Pasientaáššeolbmo bargguide gullá

Rávvet pasientta gažaldagain, mat laktásit pasientaláhkii. Dat leat earet eará;

1.Vuoigatvuohta buorre dearvvasvuođa- ja buohccedikšumii ja dasa laktáseaddji meannudeapmái

  • Pasientta dieđuoažžunvuoigatvuohta
  • Pasientta iešmearridanvuoigatvuohta
  • Vuolleahkásaš pasientta sajádat
  • Lágalaš ovddasteaddji dahje oapmahačča dieđuoažžunvuoigatvuohta ja doaibmaváldi
  • Diehtosuodjeáššit

2. Rávvet mo pasienta sáhttá doaibmat, jos lea duhtameahttun dikšumii dahje meannudeapmái.

3. Rávvet ja veahkehit dárbbu mielde pasientta pasientavahátlága oaivvildan pasientavahátalmmuhusa, cuigema dahje guoddaleami dahkamis.

4. Dieđihit pasientta vuoigatvuođain ja doaibmat pasientta vuoigatvuođaid ovddideami ja ollašuhttima buorrin.

Pasientaáššeolmmoš ii ieš daga mearrádusaid iige sáhte rievdadit dahje seahkanit dikšunmearrádusaide dahje virgeoapmahaččaid dahkan mearrádusaide.

Čuolmmain ja eahpečielggasvuođain, mat laktásit dikšumii dahje meannudeapmái, lea vuosttažettiin sivva ságastallat divššus vástideaddji ovttadaga (ossodat dahje poliklinihkka) bargoveagain dahje sin hoavddaiguin.

Oktavuođadieđut

Pasientaáššeolmmoš
Kati Koivunen
t. 040 506 0083

Persovnnalaš fitnama várás livččii buorre soahpat deaivvadanáiggi.

Šleađgapoasta
ovdanamma.sohkanamma (at)lshp.fi

Pasientaáššeolbmo poastačujuhus
Lapin keskussairaala
Potilasasiamies
PL 8041
96101 Rovaniemi

Pasientaáššeolbmo sajádat
Guovddášbuohcceviesu 2. geardi váldosisamanahagas gurutbealde