Bearašustitlaš hybridabarggu Lappi -projeakta
1.3.2021–30.6.2023
“Máŋggain organisašuvnnain boahtit ain eanet doaibmat máŋgga sajis ja lávdaduvvon joavkkuin. Bearašustitlaš hybridabarggu Lappi -projeavttas ovddidat gáiddusbargovugiid ja gáiddusbarggu bargama vejolašvuođaid sihke nannet Lappi bránda gáiddusbarggu ofelažžan. Vejolašvuohta bargat gáiddusbarggu lea fuomášuvvon Lappi guovllu oktan guovddáš geasuhandahkkin.”
Ohcejoga gielda lea mielde Lappi universitehta ollašuhttin Bearašustitlaš hybridabarggu Lappi -projeavttas, mas buoriduvvo lappilaš organisašuvnnaid gilvonákca ja buvttadanmunni. Projeakta nanne organisašuvnnaid geasuheaddjivuođa ovddidemiin bargoburesveadjima ja bargoorganisašuvdnamálliid, mat deattuhit barggus veadjima.
Projeavtta guovddáš mihttomearrin lea ovddidit Lappi gielddaide áigeguovdilis gáiddusbargosoahpamušaid ja -vugiid ja maiddái veahkehit gáiddusbargokultuvrra dahkamis deattuhemiin das bargoburesveadjima. Vai juksat mihttomeari, projeavttas ovddiduvvo earet eará jođiheapmi ja ollašuhttojuvvo fitnodagaide oaivvilduvvon Hybridabargu – njuovžilvuohta barggus ja bargoburesveadjin -skuvlenollisvuohta sihke Hybridabarggu giehtagirji viidásut atnui. Mielde leahkki gielddaide ráhkaduvvojit guđege gildii gulahallanplánat doarjut ja ovddidit gielddaid geasuhanfámu bearašustitlaš orrun- ja bargobirasin. Ulbmilin lea deattuhit ovdamearkka dihte lundui ja njuovžilis barggu bargama málliide laktáseaddji vejolašvuođaid.
Projeavtta duođalaš čuozáhatjoavkun leat gieldaorganisašuvnnat ja guovllu fitnodagat sihke bargit geat dain barget. Projeavtta eahpenjuolga čuozáhatjoavkun leat gieldalaččat, geaidda projeavtta váikkuhusat ollet gáiddus- ja hybridabarggu mielde vejolaččat šaddan ođđalágan bálvalusaid buvttadeami vuohkin. Lassin eahpenjuolga čuozáhatjoavkun leat Lappi guovllu- ja ealáhusovddidanorganisašuvnnat, mat iežaset oasil leat ovddideamen Lappi gilvonávcca ja oainnusvuođa.
Projeavtta ruhtada Davvebađaeatnama EJB-guovddáža Eurohppa sosiálafoanda (ESR) (Pohjois-Pohjanmaan ELY-keskuksen Euroopan sosiaalirahasto (ESR) ja dat ollašuhtto oktasašbarggus Ohcejoga, Gihttela, Pello, Posio, Soađegili ja Durdnosa gielddaiguin 1.3.2021–30.6.2023 áigge.
Projeavtta birra sáhttá lohkat lasi Lappi universitehta neahttasiidduin. Áigeguovdilis ságaid sáhttá čuovvut maid projeavtta Facebook-siidduin.
Projeakta lea nohkan.
Lassedieđu addá eallinfápmohoavda Tanja Lepistö.
+358 400 151 294
tanja.lepisto@utsjoki.fi
