Explore Utsjoki ja ovcci turismafitnodaga mielde MATKA 2027 -meassuin

Suoma davimus turismaguovlu oassálastá MATKA 2027-meassuide, mat ordnejuvvojit Helssegis 21.-24.1.2027. Oktasašossodagas leat mielde Ohcejoga gielda ja ovcci turismafitnodaga. Turismafitnodagat buktet viidát ovdan Gáregasnjárgga, Ohcejoga ja Njuorggáma guovlluid áidnalunddot vásáhusaid ja bálvalusaid riikkaidgaskasaš ja ruovttueatnama turisttaide sihke mátkeordnejeaddjiide.

MATKA 2027 -meassuide oassálastin lea oassi Riikkaidgaskasaš turismma ovddidanbálggis -projeavtta plánejuvvon doaibmabijuid. Oassálastima ulbmilin lea nannet Ohcejoga guovllu ja brándda dovddusvuođa birrajagi turismabáikin sihke buoridit guovllu turismafitnodagaid ovdáneami láhčimiin ođđa riikkaidgaskasaš vuovdin- ja ovttasbargovejolašvuođaid.

Oktasašmeassoossodat huksejuvvo turismabrándda ”Explore Utsjoki” birra. Ossodagas ovdanbuktojit guovllu birrajagi vejolašvuođat máŋggabealagit iešguđetlágan visuálalaš ja gulahallamii guoski čovdosiiguin. Ulbmilin lea maiddái lasihit dieđu guovllu olahahttivuođas ja vásttolaš turismma vuhtiiváldimis.

Riikkaidgaskasaš mátkeordnejeaddjit bohtet oahpásmuvvat Ohcejoga guvlui

MATKA 2027 -meassuid oktavuođas ordnejuvvo maiddái riikkaidgaskasaš FAM-mátki (Familiarization Trip), man áigge Ohcejohkii bovdejuvvo joavku riikkaidgaskasaš mátkeordnejeaddjit. Ulbmilin lea lasihit Ohcejoga riikkaidgaskasaš dovddusvuođa sihke láhčit ođđa oktasašbargo- ja vuovdinvejolašvuođaid guovllu fitnodagaide.

FAM-mátkki áigge oasseváldit besset vásihit guovllu guovddáš geasuhusdahkkiid, deaivvadit báikkálaš doaibmiiguin sihke oahpásmuvvat ieža turismabálvalusaide. Mátkeordnejeaddjiid bovdejit Ohcejohkii potentiála ulbmilmárkaniin, nugomat DACH-guovllus (Duiska, Nuortariika ja Sveica), USA:s, Frankriikkas, Itálias ja Espánnjas.

Ovttasbargguin buoret oinnolašvuohta

Oktasaš meassoossodat ja FAM-mátkki válmmaštallan leat oassi Ohcejoga gieldda gillilis barggu guovllu turismma ovddideamis. Fitnodagaid aktiivvalaš oassálastin ja beroštupmi čujuhit nana čatnaseami guovllu turismma ovddideapmái ja ovttasbarggu nannemii.

“Ovttasbargguin mii bastit muitalit ain nannosabbot Ohcejoga birra. Mii hálidat buktit ovdan guvlomet erenomášvuođa, eakti gávnnademiid, árktalaš luonddu sihke oktavuođa olbmuid, kultuvrra ja birrasa gaskkas “, muitala Riikkaidgaskasaš turismma ovddidanbálggis -projeavtta projeaktahoavda Tuomo Merentie.

MATKA 2027 -meassuin galledeaddjit sáhttet oahpásmuvvat Ohcejoga turismafálaldahkii, deaivat guovllu fitnodagaid ovddasteaddjiid ja gávdnat inspirašuvnna Suoma davimus gieldda áidnalunddot vásáhusain birra jagi.

Lassediehtu

Tuomo Merentie
Projeaktahoavda
Riikkaidgaskasaš turismma ovddidanbálggis -projeakta
+358 401319670
tuomo.merentie@utsjoki.fi