Gielda oaččui skeaŋkan Reino Viirilä málagova, duovdagis lastamáđuid dagahan heavu maŋŋá

Ohcejoga gielda lea ožžon skeaŋkan Reino Viirilä jagis 1953 Ohcejoga Vuovdaguoikkas málen oljoivdnemálagova. Arkiteakta, TkT, Suoma modeartna arkitektuvrra doseanta Harri Hautalehto eaktun skeaŋkka oažžumii lea, ahte bargu biddjo oidnosii masa, nu Ohcejoga gieldda oamastan sadjái.

Málagova duohken lea Viirilä čállán teaksta “Soarvvit Suhpiváris, Vuovdaguoika, Ohcejohka 1953”.

Málagovas govviduvvo Deatnogátte duovdda birastahtti duoddariiguin, vuollin golgá johka, ja ovddabealde leat soarvvit lagešmihttármáđuid heavu maŋŋá. Gova fáddá, duovdda lastamáđuid heavu maŋŋá, lea hui hárvenaš. Dan áigge, go Viirilä lea málen barggu, ii Gáregasnjárgga ja Ohcejoga gaskkas lean vel geaidnu. Danne maid turisma lei Ohcejoga gielddas vel hui unnán. Seamma sivas dušše hárvvis Lappis movttáskan govvadáiddárat mátkkoštedje Ohcejohkii.

Ohcejoga gielda giitá váimmolaččat skeaŋkka ovddas!