Gr 13.7.2026: Ohcejoga gielddaráđđehus gieđahalai vuojadanhállaprošeavtta juridihkalaš čielggadeami lobihis luobaheami
15.6.2026
Ohcejoga gielddaráđđehus čoahkkanii 13.7. gieđahallat gielddaráđđehusa dihtui boahtán diehtosuođđama, mii guoskkai váldostivrra 17.6.2026 dohkkehan vuojadanhállaprošeavtta juridihkalaš čielggadeami lobihis luobaheami ovddosguvlui. Juridihkalaš čielggadeapmi sisttisdoallá persovdnadieđuid ja almmolašvuođalága vuođul suollemassan oaivvilduvvon fitnodatčiegusvuođaid, mat sáhttet vahágahttit gieldda ruđalaččat ja mat livčče gieldda ovdduid vuostá dikkis. Dákkár almmolašvuođalága vuođul suollemassan oaivvilduvvon dieđuid lobihis luobaheapmi olggobeal doaibmái sáhttá dan dihtii loavkašuhttit máŋgga iešguđet láhkai suddjejuvvon priváhta ja gieldda iežas ovdduid.
Go ášši lea boahtán gielddaráđđehusa dihtui, galgá gielddaráđđehus lága mielde (ee. gieldaláhka) bidjat johtui čielggadeami. Čielggadeapmi dahkko nu ahte sáddejuvvo gažadeapmi buot doaibmiide, geaidda vuojadanhállaprošeavtta juridihkalaš čielggadeapmi lea sáddejuvvon, nappo luohttámušáirasiidda ja muhtin virgehálddašeddjiide ja bargiide. Čálalaš čielggademiid gieđahallama maŋŋá gielddaráđđehus árvvoštallá, mo áššis ovdánit. Stivra mearrida das maŋimustá čoahkkimis 8.9. Áššis čuovvut gieldalága 85 paragráfa, jus dieđuid luobaheaddji leamašan luohttámušáirras, jus eahpádus fas guoská gieldda virgehálddašeaddjái dahje bargii, joatkit ášši gieđahallama hálddahusnjuolggadusa ja lágas ásahuvvon doaibmaválddiin.
Čoahkkimis gárte jienastit, go Mateusz Moilanen evttohii ášši máhcaheami válmmaštallamii, man Sammol Lukkari guottihii. Áššemeannudeaddji evttohus ášši gieđahallama joatkimis dohkkehuvvui jienaiguin 5-2. Moilanen ja Lukkari guđiiga sierraoaivila áššis.
Gielddaráđđehusa čoahkkima beavdegirji (pdf)
Lassedieđut
Gielddaráđđehusa ságadoalli
Vuokko Tieva-Niittyvuopio
0400 933 754
vuokko.tieva-niittyvuopio@utsjoki.fi
Gielddahoavda
Päivi Kontio
040 744 7630 paivi.kontio@utsjoki.fi