Guovlohálddahusdoaimmahat mieđihii 15 000 € Liikkuva ja hyvinvoiva Utsjoki 2 -fidnui – gieldda ássiid lihkadanrávven ja lihkadanreaidduid luoikkahanbálvalus viiddiduvvo
9.3.2022
Lappi Guovlohálddahusdoaimmahat (AVI) lea mieđihan 15 000 € sturrosaš veahkkeruđa Ohcejoga gildii Liikkuva ja hyvinvoiva Utsjoki 2 -fitnu ollašuhttima várás. Stáhtadoarjja gokčá measta beali fitnu árvaluvvon goluin. Loahppa bealli fitnu goluin goasttiduvvo lihkadandoaimma ruđain.
Liikkuva ja hyvinvoiva Utsjoki 2 -fidnu?
Fidnu lea joatkkafidnu ovddit jagi Liikkuva ja hyvinvoiva Utsjoki -fidnui, masa gielda bálkáhii prošeaktabargin guovttegielat lihkadansuorggi ámmátolbmo Isa Tarvaisa. Fidnu lágidii lihkadanrieggáid (omd. Martin jumppa, Ellena lihkadanriekkis, akrobatiija jed.) ja dáhpáhusaid (omd. Pohjoisen vahvin -gilvvohallamat). Lassin fitnu bokte fállojuvvui prošeakta bargi bokte lihkadanrávven daidda gieldda ássiide, geat dearvvasvuođas dáfus lihkadit menddo unnán. Lihkadanrávven lea eallindáidobagadallan, mas olbmo dearvvasvuođadilli geahččaluvvo buoriduvvot nu, ahte olbmui ohccojuvvo miela miel lihkadanvuogit. Fitnu bokte gieldda ássiide dahkkojuvvui vejolažžan maiddái iešguđetlágan lihkadanreaidduid luoikkaheapmi prošeaktabargi bokte.
Liikkuva ja hyvinvoiva Utsjoki 2 -fidnus lihkadanrieggát ja dáhpáhusat joatkašuvvet. Lihkadanrieggát doibmet maiddái dán jagi ja Pohjoisen vahvin -gilvvohallamiid geahččalit ordnet maiddái ođđasit.
Lihkadanrávven rahpasa buot ássiide
Lassin fidnus viiddiduvvo fitnu bokte lágiduvvon lihkadanrávven nu, ahte dás ovddos bálvalussii lea vejolaš ohcat 20 áššehasa, go ovddit jagi mearri lei 5 áššehasa jahkái. Lihkadanrávvehussii ohcan lea dál vejolaš buot gieldda ássiide, go ovdal bálvalussii lea beassan dušše doaktára čujuhusain. Jus hálidivččet lihkadit eanet, muhto it leat vel gávdnan iežat jiellat vuogi, dahje dovddat, ahte lihkadat iežat dearvvasvuođa ektui menddo unnán, váldde oktavuođa prošeaktabargiin Isa Tarvaisiin ja soaba deaivvadeami:
isa.tarvainen@edu.utsjoki.fi
040 190 3273
Lihkadanreaidduid luoikkahanbálvalus
Fidnui leat háhkan ođđa máŋggabealat lihkadanreaidduid ja dan bokte viiddidan luoikkahanbálvalusa. Lihkadanreaidduid sáhtát luoikkahit vahku 12 rájes girjeráju ja girjebusse bokte.
Fidnu nohká 31.12.2022.
Lassedieđut:
vd. asttuáiggečálli Janne Mustonen
janne.mustonen@utsjoki.fi
0400319852