Lappi buresveadjinguovlu válmmaštallá hálddahuslaš nuppástusaid Ohcejoga sosiála- ja dearvvasvuođabálvalusaide – hoavdabargguide guoskevaš ovttasdoaibmanráđđádallamat leat álggahuvvon
11.8.2026
Lappi buresveadjinguovlu vihkkedallá Ohcejoga dearvvašvuođadállobálvalusaid ja vuorrasiid bálvalusaid hoavdabarggu hálddahuslaččat ovttastahttit ja sirdit sámegielat ja kulturmieldásaš bálvalusaid vástoovttadahkii. Nuppástus álkidivččii bargiid váni ja barggu organiserema nugo maiddái nannešii áššehasaid bálvalusaid njuovžilvuođa ja sámegielat bálvalusaid. Bargiid váni geažil ruoktobuohcceviessodoaimma leat ferten gaskkalduhttit miesse-borgemánu boddii. Vejolaš nuppástusa dihte buresveadjinguovlu lea álggahan ovttasdoaibmanráđđádallamiid, mat gusket Ohcejoga ovttadagaid hoavdabargguid bargiide. Guovlluráđđehus merkii čoahkkimisttis 10.8.2026 diehtun nuppástusa, mii lea válmmaštallama vuolde.
– Buresveadjinguovllu ja Ohcejoga gieldda oktasaš ulbmil lea sihkkarastit, ahte guovllu ássit ožžot sosiála- ja dearvvasvuođabálvalusaid. Guovllu ássit vurdet erenomážit ruoktobuohcceviessodoaimma álgit, mii leamaš gaskkalduvvan. Go plánat dárkkálmuvvet, guovllu ássit ožžot dieđu nu johtilit go vejolaš, muitala sodeguovddášbálvalusaid ovddasvástádussuorgejođiheaddji Antti Alaräisänen.
Lassedieđut
Antti Alaräisänen
ovddasvástádussuorgejođiheaddji, sodeguovddášbálvalusat
antti.alaraisanen@lapha.fi
040 653 8705