Lappi gádjunlágádus: Ođđa álbmotalárbmarusttet Ohcejohkii - testejuvvo juohke mánu vuosttas vuossárgga dmu 12

Álbmotalárbmarusttet sáhttá addit álmmolaš váruhansignála jos ovdamearkka dihte váralaš suovva dahje gássa uhkida olbmuid. Ođđa alárbmarusttega testenjietna gullo Ohcejoga guovddáža guovllus.

Ohcejohkii lea ceggejuvvon ođđa álbmotalárbmarusttet Ohcejoga guovddáža guvlui. Álbmotalárbmarusttet sáhttá addit álmmolaš váruhansignála jos ovdamearkka dihte váralaš suovva dahje gássa uhkida olbmuid.

Alárbmarusttegiid ulbmilin lea muitalit olbmuide, geat leat olgun, ahte sii galget mannat sisa suodjái. Sisti galgá giddet uvssaid, lásaid ja biggohanráiggiid ja jos vejolaš, gálgá bissehit áibmomolsunrusttega.

Juohke mánu vuosttas vuossárgga dmu 12 testejuvvo álbmotalárbmasystema. Vuosttas geardde álbmotlárbmarusttet testejuvvo Ohcejogas 4.5.2026. Testedettiin sirena čuojaha jámma jiena čieža sekundda, muhto duođalaš dilis sirena čuojaha ovtta minuhta jiena mii loktana ja njiedjá. Ođđa alárbmarusttega testenjietna gullo Ohcejoga guovddážis.

Álbmotalárbmarusttet lea okta eiseválddiid doaimmain, mainna ássiid váruhit. Dasa lassin álbmogii dieđihuvvo váras ja dat gullo, ja lohkkojuvvo buot rádiokanálain ja dárbbu mielde váruhusteaksta čájehuvvo YLE-kanálain TV šearpma badjerávddas ja teaksta-TV siiddus 112. Várradieđáhusat bohtet maid 112 Suomi -mobiilaapplikašuvdnii Dárbbu mielde Lappi gádjunlágádus almmustahttá váruhusaid maiddái Facebook- ja Instagram -konttuin.

Lappi gádjunlágádus ávžžuha heahtediliid várás bidjat telefovdnii 112 Suomi -applikašuvnna ja skáhppot rádio, mii doaibmá báhtterrávnnjiin jus elrávdnji ii doaimma. Báhtterrádio lea maid ávkkálaš guovlluin gos telefonoktavuođat eai doaimma nu bures.